朱古力工廠復活節開倉

朱古力工廠復活節又開倉. 今次賣咩~主打係朱古力復活蛋, 復活兔.

朱古力復活兔 100克 $26, 彩色就 $31.

開倉資料:

時間: 3月31日, 10:00-6:00
地址: 柴灣利眾街44號四興隆工業大廈三樓
tel: 28982220

www.gourmethouse.com.hk

如果得閒又係附近, 想知道朱古力工廠係點既樣, 都可以上去八下.

叫圖書館買書

好開心啊~收到圖書館比我既回覆email, 早排建議既書佢地買左啦~圖書館通知我可以去借啦~

親愛的讀者：

你所建議我們購置下列資料，有關資料已收入公共圖書館藏館。你可透過公共圖書館網站查看詳情 (www.hkpl.gov.hk).：

參考編號	書名	索書號
CW-2009-243	孩子,你的敏感我都懂	523.12    0708

謹此多謝你對公共圖書館服務的支持。

康樂及文化事務署署長
(黎潔瑩女士           代行)   

圖書館係唔係對我好好呢~ 其實佢地對每個市民都咁好嫁~

唔講可能你唔知, 大家如果睇到咩好書, 而圖書館係無既, 都可以向圖書館提出購書建議, 佢地就會納入購書名單, 如果買左就會通知你去借. 咁當然你要等下, 因為"程序需時". 不過值得等既, 實在家下一本書真係好貴.

點樣提出購書建議? 我通常都係網上做. 上圖書館既網頁:

進入: 圖書館館藏==>購書建議

跟表格要求填好就得啦~好簡單. 圖書館仲多謝你"豐富左香港公共圖書館的館藏及擴闊市民的閱讀空間。"添.

為人為已, 大家都快d幫手比建議啦~ 

李錦記秘製紅燒汁

今期惠康買醬料加$2 可換購李錦記秘製紅燒汁 (210ml)

不過樓下間惠康就咁買都得.  我買左幾支. 原裝 410ml 一支賣 $17.90. 今次真係平一大節.

易燃物，你又燒起來了嗎？：一生受用的憤怒管理妙方

依兩星期係考試時期, 各位媽咪(包括自己)或多或少會多左壓力, 當你覺得時間唔夠用, 小朋友又同你拖拖拉拉, 你緊佢唔緊, 真係"火"就來了. 不過發完火, 傷自己"身"又傷大家"感情", 無人有好處.

為免自己失控, 我去圖書館搵書睇, 比我搵左依本, 書中講既方法步驟真係唔錯, 值得學習學習. 各位好"火"之人都岩睇. 

 

 

內容簡介

改造易怒的基因、擺脫憤怒的控制 　　憤怒跟恐懼一樣，是人類億萬年來演化出來的一個強大的生存工具。然而，我們每天的生活一旦為它所宰制，它就會傷害我們的健康、破壞我們和親密愛人的關係，讓我們更難獲得幸福、健康的生活。 　　許多成年人都從父母身上「遺傳到」了具殺傷力的憤怒模式。本書將教導你學會用建設性的方式來表達自己的需求，並且讓這些需求獲得滿足。只要你有心打破憤怒在你身上和你家族中的惡性循環，你就能發現你憤怒的起因，並找出更有效的方式來滿足你的主要需求。 透過本書，你將能學會： ●找出憤怒的根源並加以控制──不用耍花招，不用吃藥，也不用接受心理治療 ●改善你和親人、朋友及同事間的關係 ●打破憤怒的世代循環，避免將具殺傷力的行為模式傳遞給下一代 ●維護你的健康，降低你罹患冠狀動脈心臟病等疾病的機率

 

詳細介紹

圖書館索書號:176.52 0770

司各脫魚肝油 $19.90

係萬寧/屈記見到, 依隻"司各脫橙味魚肝油", 細支裝 200ml $19.90. 大支裝 400ml $59.90.

好奇怪既定價, 細支裝平咁多, 如果有食開既, 真係買得過. 不過記得買細支裝啊~

DREYER'S 大平賣

 

DREYER'S 雪葩 473ML裝大平賣, 原價 $29.90, 減至HK $19.90. 買兩盒 $26.90.

真係減到好平啊~

各大超市包括: 惠康/百佳/華潤都一樣價. 吉之島仲平d, $23.90

超抵sample

尋日係惠康買左依盒洗頭水+潤髮乳, 每支都有40ml, 只係賣$2.

點解咁抵? 因為佢地係上期既換購品, 當時好似要買夠依個牌子既產品唔知幾多十蚊, 加$2先至可以換購.

不過推廣期完左, 惠康都無收起, 照樣既換購價就可以直買. 我發現好多依種推廣既sample, 超市都係咁樣處理.  講真, 兩蚊買個樽都唔止啦~依盒野細細支, 來緊夏天去游水用就岩曬啦~之前比我買左支H & S男士去頭皮洗頭水sample比老公, 都係$2 支. 

不過依d sample多數放係唔多當眼既地方, 例如轉角既貨架下層啊咁樣, 大家去超市時留心一下就會發現.

Thermos膳魔師所有產品低至三折開倉(10年3月19至21日)

Thermos都開倉賣陳列品, 真空保溫用品, 我覺得佢最好.   

 

Thermos膳魔師所有產品低至三折開倉(10年3月19至21日)

Thermos都開倉賣陳列品, 真空保溫用品, 我覺得佢最好.   

 

將"慳"變成為習慣

星期日帶囝囝出街, 一上地鐵我習慣又往車尾行, 行左2個車箱, 先至突然醒起: 係播, 又唔係返工, 洗咩行定先呢? 自己都覺得好好笑.  

人就係咁奇怪, 因為朝朝都係咁樣既動作: 上車轉身行向車尾方向, 習慣左之後, 身體就自動行動, 去到果個位, 就自動做埋下半part, 完全唔經大腦思考.

人其實真係"習慣"既動物, 好多時我地既行為係受自己既習慣所牽動, 而唔係經過思考先至行動既. 而我地既"消費"行為, 好多時亦係由"習慣"帶引. 好多人唔明自己d錢洗左去邊, 因為佢習慣左, 自動去做左而自己都唔記得/察覺.

以我所見, 依d習慣包括: 每日出街食早餐/飲茶, 行過街邊食d小食, 買杯飲品, 買小飾物(有d女仔每日都買), 返屋企開曬全屋既燈, 電視長開, 夏天入屋一定開冷氣, 沖澡沖足半個鐘, 每次有新戲都去睇, 每年一定去兩次旅行, 轉季一定買衫, 做facial整指甲, 換手機, 唱K......等等, 好多碌爆信用卡既人都知自己d錢用左去邊, 一d都唔奇怪. 因為佢地"習慣"左.

我諗起上次上電台接受訪問, 主持人麻利阿問我: 慳左咁耐, 你有無諗過要搵次放縱一下自己. 唔......真係無諗過播, 亦唔覺得需要.

人之所以需要"放縱"係因為覺得受壓抑, 所以需要釋放. 好似減肥時果時要忍口, 死忍死忍, 覺得好痛苦, 減左磅又即刻又食返野, 仲食得多過之前. 但係如果你平時既食量就係咁多, 又點需要食返多d 野呢?

慳錢已經係我既生活方式, 成為左"習慣", 變左自動波, 所有野唔需要思考就自動會去做, 完全無壓抑, 又何來需要"放縱"呢?  以上講果d "消費習慣"我全部都無, 相反, 有時需要提醒自己"應洗則洗", 因為一洗錢就會"肉赤", 有痛苦既感覺添~都係因為"習慣"左.

如果你想慳錢得來又無痛苦, 首先你要反醒下自己有咩"消費習慣". 改左佢. 開頭一定會覺得痛苦, 因為"習慣"左. 咁每次你選一樣來改, 習慣左再改第二樣. 持之以恆就一定得.

將"慳"變成習慣.

新一期 MTR「站站獎」積分計劃 (15/3-14/5)

新一期儲分計劃又來啦~如果你未join就記得join 會員, 搭車時又可以順手儲分.

港鐵連繫你生活每一程，無論搭車、到指定車站商店購物都滿載多重驚喜！由2010年3月15日至5月14日，港鐵友禮會會員於指定的車站商店消費，有機會獲得多倍積分。 乘搭港鐵、機場快綫、輕鐵或港鐵巴士，同樣有積分。會員，做好熱身，準備搭車購物儲積分，換取今期限量禮品！


http://www.mtr.com.hk/mtrclub/club_prom.php?p=instant_reward

去依d指定商店, 就咁樣儲分既.

2倍、5倍積分！

會員，搭車購物，同時獲積分！

由2010年3月15日至2010年5月14日，港鐵友禮會會員於指定的港鐵站商店購物每滿$40，可獲積分卡一張，憑卡內密碼可兌換「站站獎」積分計劃最少20分，揭中2x或5x，積分更可倍增。每次消費最多可獲積分卡三張。積分卡數量有限，派完即止！

會員需於2010年3月15日至5月２１日期間，透過網站www.mtrclub.com.hk或於「e分鐘著數」機登入會員賬戶，輸入積分卡密碼轉換積分！在一般情況下，成功輸入積分卡密碼後，積分將於第2個工作天自動轉賬予會員賬戶內。

按照可加可減機制 六月或加票價

(星島日報報道)港鐵凍結車費三年之後，票價亦將於今年六月就可加可減機制進行檢討，行政總裁周松崗表示，除以政府公布的綜合消費物價指數作參考外，再計及去年轉至今年的票價調整幅度為增加百分之零點七，亦只是百

今日既新聞. 唉~又加. 已經好貴啦.

其實一進入2010年, 已經覺得物價開始暗暗地加. 過左舊曆新年之後, 就明正言順咁樣加. 我公司附近既食市麵包鋪都加左, 由 $0.5-$3不等. 一個麵包由 $4 加到$4.5, 加幅有成12.5% . 嘩~人工又無得加.  點攪啊~

所以多左同事帶飯. 樣樣都加, 收入無增加唯有慳d洗啦~

聖安娜麵包 coupon

聖安娜持續地有優惠卷出. 岩用就print定啦~

匯豐卡送優惠卷

匯豐卡又送優惠卷, 睇下有無岩自己用既.

優惠卷

仙跡岩買一送一優惠卷 (12/3)

仙跡岩有買一送一優惠卷, 只限一款飲品: 椰島雪香.

 

	仙跡岩 椰島雪香買 1 送 1 優惠 有效日期: 2010年2月12日起至2010年3月12日止 憑券惠顧仙跡岩，即可享杯裝椰島雪香買 1 送 1 優惠。 (N9295)
	優惠及條款： 優惠適用於香港各仙跡岩分店。 請列印優惠券並於結帳前出示此券，方可獲享優惠。 優惠券不可與其他優惠一併使用，每券限用一次，每次每檯限用一張。 此券不可兌換現金。 如有任何爭議，有關商戶保留此優惠之最終決定權。 以上優惠是網友與商戶之間的商業交易，OpenRice.com 概不負上任何責任。

洋蔥蝦仁炒蛋($13.5)

好味又易整既一個餸, 全年幾時都可以煮.

材料: 蝦半斤 ($10), 洋蔥半個($1.5) 蛋 2隻 ($2)

 做法:

1. 蝦先剝殼, 在蝦背一刀(蝦才會彎曲), 清潔蝦腸 。

2.洗淨後用生粉攪勻, 再用水洗（ 重複做兩、三次令蝦肉爽身）， 然 後抹乾水份。

3. 用胡椒粉 , 鹽, 麻油醃一醃蝦 。

4. 洋蔥去皮切絲, 蛋去殼加小小鹽調味後用力打散。

5. 燒紅鑊，落油，先炒蝦仁至8成熟，盛起備用。

6. 落小小油, 放入洋蔥爆香後轉細火, 炒到洋蔥軟身 。

7. 將蝦仁回鍋, 轉大火倒入蛋汁, 翻炒至熟即成.

又係平靚正既一味餸, 營養價值又高, 一家人都岩食. 

蝦同蛋有蛋白質, 咁睇下洋蔥有咩好:

洋蔥營養價值極高，其肥大的鱗莖中含糖8.5%，乾物質9.2%，每100克含維生素A5毫克、維生素C9.3毫克、鈣40毫克、磷50毫克、鐵8毫克，以及18種氨基酸，是不可多得的保健食品。 　　

 

近代醫學研究表明，洋蔥中含有微量元素硒。硒是一種抗氧化劑，它的特殊作用是能使人體產生大量谷胱甘，谷胱甘?的生理作用是輸送氧氣供細胞呼吸，人體內硒含量增加，癌症發生率就會大大下降。所以，洋蔥又是一種保健食品。 　　

 

洋蔥還具有降血糖作用，因洋蔥中含有降血糖藥甲碘丁脈相似的有機物，並在人體內能生成具有強力的利尿作用的皮苦素。糖尿病人每餐食洋蔥25-50克能起到較好的降低血糖和利尿作用。 　　

 

洋蔥中的植物殺菌素除具有刺激食慾、幫助消化作用外，還由於它經由呼吸道、泌尿道、汗腺排出時，能刺激管道壁分泌，所以又有祛痰、利尿、發汗、預防感冒以及抑菌防腐作用。

 

中國食品網

Content and hyperlinks are distributed by Chinareference.com. Authorization is needed for re-distribution.

星期二檔案: 中女

"中女", 潮語, 指年過三十又未嫁既女性. 身邊都有唔少.

我聽到朋友講星期二檔案探討依個題目, 覺得幾特別, 今晚上網睇左.

點解嫁唔出? 聽佢地各講各既前因. 當聽到其中一人講: 以前佢成日諗點樣先至可以成為全世界最幸福既女人, 今日佢改變左, 佢要令佢既男人成為全世界最幸福的男人."

係隔離偷睇既囝囝突然爆左句: "其實兩個人, 只需要相親相愛就得啦!".

確實講得岩, "相親相愛"即係大家平等, 唔需要邊個依靠邊個, 一齊分擔生活中既問題, 一齊分享生活中既喜悅. 亙相體諒對方, 欣賞對方為自己所付出的.

道理好簡單, 小朋友都識講, 不過"說易行難", 可能係"中女""剩男"越來越多既原因之一.

Pappagallo 蛋糕買一送一

訂購條款
1) 優惠日期: 2010年2月18日 至
4月6日
2) 蛋糕必須於3個工作天前預訂及於
4月30日或之前提取
3) 此優惠只適用於指定之6款雪糕蛋糕及6款忌廉/芝士餅
4) 此優惠不可與VIP卡優惠 、信用卡優惠、及其他推廣優惠同時使用

蛋糕 $168 兩磅, 雪糕蛋糕 $228 兩磅. 如果有需要買蛋糕既話, 都算抵既.

蛋糕款式睇依處

Another 開倉義賣 (5/3 - 7/3/10)

係網上睇到, 如果你需要買衫既, 不妨去睇下, 順便又可以做善事, 一舉兩得.

貨品慈善價一律 $20起

日期: 5-7/3/10 (星期五至日)
時間: 5/3 <11am - 9pm>
6-7/3 <11am - 7pm>

詳情請閱有關網頁 www.hkeds.org
查詢: 2190 5302


‧貨品包括男女裝衫、褲、褸、鞋、袋及飾物擺設等，部份為次貨及陳列品
‧付款前請檢查清楚貨品，一經出售，一律不可更換或退回善款
‧只收現金，不設找續 ‧請自備購物袋 ‧不設試身

亦可以去facebook 睇下d衫相