急凍稻庭烏東($11.5碗)

係日式批發見到有"急凍稻庭烏東", 我依個"烏東怪"上網查下, 人地既食評都好好播, 一於買來試下先.

收到貨啦~~咁既樣: 雪到好似一夠石頭咁硬. 一包有5塊(十小塊), $33. 平過超市好多($4x)

不過同平時食開果d 烏東($3.3)比較, 就貴左羅.

 

諗住煮烏東, 連配料都一齊訂埋啦. 燻鴨胸, $8.5

嗚門卷, $8.5 

做法:

1. 解凍左d烏東先. 依處有半包 ($16.5)

2.燻鴨胸($8.5)用細火煎一煎. 鴨胸本身有油, 唔洗點落油都得. 灘凍d就打鈄切片備用.

3.切半條嗚門卷 ($4.25)

4. 開一邊爐滾一煲水淥烏東, 另一邊爐用嗚門卷煮個味噌湯做湯底.

5. 煮到d烏東面變半透明狀, 試食熟左啦, 就夾起放大碗內.  

6. 開一包粟米($5.5), 將熏鴨胸片, 粟米粒排好放係碗上, 淋上味噌湯就得啦~~ 

請試食~~  (本來想加多兩片紫菜整得似樣d, 不過由於等食既人太心急啦~催我拿拿林影完相比佢地食, 咁就唔記得左.)

加多2小牒我至愛既前菜,  味付海哲($6)/芝麻八爪魚($4 ), 好有日本食店feel.好開心啊~~

一磅裝$37

一磅$24

食家評語:

自己: 食左第一啖, 第一個感覺用一個字來形容 : 滑～～滑～～滑, 從未試過咁滑既烏東, 正啊~~, 咬落d面身又有彈性, 又無平時真空包裝果d"酸"味. 兩種烏東根本就係兩回事來既, 完全無得比)))))))

食過依隻, 以後都唔想再食依d.整體來講, 急凍烏東以質取勝, 價錢係值得既.

老公話: 本來我唔仲意食烏東既, 不過依家我仲意食~~

囝囝: 唔.....唔......唔 (樹起手指公. 個口掛住食, 完全出唔到聲. d面又熱, 佢又想快食, 攪到好狼狽, )

依餐4個人分, 每人盛為$11.5元.

An Elephant and Piggie Book

係圖書館借到依本新書. 阿囡超級仲意. 仲要求我同佢一齊做角色扮演, 佢做豬我做大象

Today I Will Fly! (An Elephant and Piggie Book) (Hardcover)

by Mo Willems

內頁

角色簡單, 表情又多, 插圖夠可愛, 英文字來來去去果幾個. 岩曬4-5歲既小朋友.

Pigs Make Me Sneeze! (An Elephant & Piggie Book)

全套書

圖書館索書號: JJ WIL

轉車慳時間法

由於公司搬左, 我搭地鐵返工變左要轉三次車(以前一程車直到), 真係轉車既時間仲多過坐車既時間, 不停咁樣起身==>行, 起身==>行, 起身==>行, 由於每次轉車既位置都唔同, 攪到成朝都要係月台同人逼逼逼, 好煩啊~~ 轉得車多亦意味住送車尾既機會都多左 , 朝早有時真係分秒必爭嫁嗎~~送左車尾分分鐘就變成"遲到".

為左避免依個情況既出現,我就咁樣做:

1. 每次上車就(盡量)行到接近轉車時需要既位置, 車一到站, 一落就可以出要轉車既位, 唔洗係月台同人逼住行.

2. 轉車時唔想行咁遠, 盡量利用升降機. 例如: 係鰂魚涌轉車本來要行一大餐(長長長既走廓), 其實車站係有一部升降機, 如果坐到升降機, 一出就係下層月台, 唔洗行. 如果坐唔到都唔緊要, 係升降機隔離仲有一條樓梯, 行樓梯都可以直達下層月台, 兩個方法都比行果條長廓慳時間慳腳骨力.

用左依個方法之後, 好處有:

1. 慳左時間, 因為唔洗係月台同人逼住行.

2. 行少左路.

3. 感覺成個路程順暢左, 心情都好左.

4. 有時時間配合得岩岩好, 一去到月台即有車, 感覺特別好, 成朝都醒神d.

煩人既事依家變得不煩人啦~~

阿波羅家庭裝雪糕 $19.90

百佳:

阿波羅家庭裝雪糕 2L, 有"芒果 雲呢拿 芋頭" &"士多啤梨 雲呢拿 朱古力雪糕"
 
HK $19.90

阿波羅雪糕係工展會食過, 都幾好味嫁~~$19.90平過曬其他牌子啦~~一於支持一下香港品牌啦~~

免費健身(唔好去啊)

收到依張野, 睇下大家用唔用得著.

咁大間公司應該都唔會洗橫手既. 不過你去之前要確定自己想點. 唔好唔覺唔覺又join左d package到頭來又用唔著.

表格

會說話的貓

最近阿囝追睇既依套書. 出左九本啦~~

霍爾姆鎮上的舊家具店老闆歐西吉，從撿來的衣櫃裡，跑出了一隻會說話的黑貓－－達巴。一開始歐西吉夫婦也被嚇到了，但驚嚇之後卻是開心，歐西吉夫婦把達巴當成自己的家人一般，開心的過日子。但是一隻會說話的貓畢竟還是很奇特的，果不其然，掀起了一股風潮，在還不清楚會說話的貓是哪一隻時，各種耳語流言，不斷傳出，也看見了人云亦云有多可怕。當證實了達巴是會說話的貓後，大家接二連三的來找達巴說話，甚至連電視台的人都要來採訪牠，達巴對這一切開始感到厭倦、畏懼……達巴究竟要如何度過這些事情呢？

除左隻貓會講野, 仲有個會行會講野有感覺既衣櫃"小丹". 故事情節對小朋友來講好吸引~~

全套書

圖書館索書號: 889 3267