由於上次買唔曬, 第二次再入場. 今次單身上路加上已經探過路, 所以買得好快. 用左$958刺激香港經濟, 收獲就有:
我又係由"1"果邊(近銅鑼灣入口)開始行.
係平"和食品"買左東菇. $88 一斤. 因為佢地有得試, 食完再0文下, 好香東菇味, 一斤有2大包. 一包留起過年送比奶奶.
另外亦試食左"雲耳". 好爽口又厚身, $35 3包有5兩. 屋企岩岩食曬, 買三包, 一包打算送比媽媽. 當曰返來, 浸左發到好大啊~無頭亦無沙, 打邊爐食都好味, 一流. 買得過, 物有所值.
另外又加$2 買一盒三包金邊粉.
依支高山山茶油, 買來過年送禮比媽媽. $78. 我check左, 山茶油對健康好好, 可以降血脂, 膽固醇等等. 岩曬老人家. 用來搽皮膚都得.
經過"濤哥"檔口, 見到人山人海, 即食榨菜等$25 三包, 又順便買埋.
再去買多一盒腊腸, 今次係"頭抽風味", 又係$25 (454g) 阿囝都仲意食.
去"阿麥斯"買魚油丸. $550 2樽 (440粒), 2013年到期. 可以簽卡. sales姐姐仲送多2包 sample裝比我(12粒).
最後又去"添寶"檔口辦年貨, $105 3盒 再送2盒 cookie. 禮盒就用來送禮, cookie就比小朋友帶返學校做茶點.
岩岩佢地"麥皮"做15分鐘特賣, $40 3包(同舊年一樣價). 車仔仲放得落, 我又買3包.
最後係"文派cookie" 買左一盒4個老婆餅 比阿囝食. 我未到一點就離開會場. 人潮仲未到.
同往年一樣, 一路行一路有人問我架"戰車"係邊個檔口買既. 要我解釋一輪.
聖誕新年真係零售黃金檔期, 不停地有"展銷".
呢個免費入場, 得閒唔買當去睇書都好. 又或者去開冬日美食展, 順路去埋.
地點：香港會議展覽中心 3FG展覽廳 (即舊翼 3 樓)
舉行時間：2010年
12月23-24日 10：00 am - 9:00 pm
12月25-26日 10：00 am - 10:00 pm
12月27-29日 10：00am - 9:00 pm
12月 30 日 10：00am - 5:00 pm
好快又一年, 工展會又來了. 今年一樣有免費入場卷, 不過因為超忙, 無咩時間做功課, 係咁依上官網睇下, 印左d優惠名單出來, 帶左"戰車"現金同阿囝(今年死都要跟埋去)就出發. 聽講d野貴左, 所以心入面無打算會買好多野, 都係去買返舊年果d野.
結果買左呢一堆, 總共: $224
準時十一點入場, 行程係: 香港名牌區==>糧油麵食區==>食品飲料區. 因為經驗所得, 依三區會越來越多人, 特別係食品飲料區, 到十二點左右, 真係逼到插針都唔入, 根本買唔到野. 
一入場就見到李綿記檔口(1B60-68), 開賣$1包火鍋湯包. 條龍只有十幾人, 一於排隊啦~ 唔洗5分鐘就買到啦~一人限買四包, 我地買左8包. 盛惠 $8
睇返張一元產品大優惠名單, 隔離同珍(1B69-80)都有$1買同珍王字蠔油(180克)一支,
不過點解無人排隊既?? 一問之下, 先知原來要有"書仔"上面既優惠卷先買到. 我地係用贈卷, 無書仔所以買唔到.跟住去左(1C05)買 "漢廷加拿大健康精瘦臘腸(頭抽風味)(454克)", 聽講幾好, 囝囝仲意食腊腸, 平平地下$25包, 可以試下.
跟住去左 2C23-24 "冠益華記廠" 入貨. 用入貨來形容無錯, 因為我買左八枝蠔油+兩枝辣椒醬. 因為食開, 年年我都幫襯. 因為係工展會, 蠔油買一送一, $20 2支 (平時超市要$16.90/枝), 辣椒醬就$22 兩支 (平時超市$17.xx/枝). 雖然比起舊年, 每支都加左$1. 不過圍起都平過出面, 當然要入貨啦~ 盛惠 $102.
仲有野送:
路經"嘉頓"檔口, 見到有囝果至愛既依個餅, $25 兩包. 平時超市賣$14.90-$16.90一包. 見平左一節, 又買兩包比佢食.
再經過美味棧, 買左包紫菜(岩岩屋企食曬). $10包.
轉戰食品飲料區, 係轉角一個檔口, 見到去年返大陸時買過既"八珍果", 囝囝兩眼發光, 因為佢好仲意食, $20 3罐. 又買. 依隻八珍果好醒胃, 過時過節食完大餐, 食返兩粒好消"制".
邊行邊睇, 兩邊不停咁有試食~ "食啦~試下啦~"就算你唔想, 都一樣照塞比你. 豬肉乾, 咖啡, 果汁.......
邊食邊睇, 睇睇下, 有個檔口賣東南亞食品, 阿姐話金邊粉做特賣, $2盒, 又試下. 一盒有3包, 有埋湯料. 好過食即食麵. 盛惠$4.
再去"添寶"檔口買左三盒鳳凰卷 $30. 兩盒咖哩, 一盒紫菜. 年年我都幫襯買三盒蛋卷過年送禮. 不過車仔已經飽和, 留返下次先買.
呢包餅仔係免費, 阿囝行左一半叫"攰", 我要佢撐落去, 因為一早同佢講左, 係佢自己死都要跟, 咁要自己負責到底, 我唔會就佢提早離開. 唔知邊個檔口阿姐見佢個樣唔開心, 請佢食既.
因為已經一點幾, 人開始多, 醫左肚就走. 今年無"陳記", 阿囝話唔餓, 因為一路試食佢都飽左, 食左碗"豆腐花" $6, 我就食左"龍皇酒家"既鐵板豉油皇炒面 $15,
酒家師傅即場炒, 新鮮好味, 抵. 有一盒( 食左一半先醒起影相
) 銀芽好爽口. 阿囝話飽都食左幾啖.
路經"金燕牌"檔口, 不過無買. 價錢比平時超市平幾蚊.
仲有一張入場卷, 會再去多一次
朋友報料, 4C07 阿斯麥香港有限公司 魚油 $550 兩樽 (220粒). 比平時萬寧賣平成半. 如果食開就好去買, 抵好多. 2013年到期, 買滿 $1000 送淘磁刀. $2300 送按摩帶 .
另外舊年我有買, 今年加價既有:
1. 台式一口腸, 舊年$50 5包. 今年 $$50 4包. 無買
2. 添寶檔口買既麥皮, 舊年$40 3包, 今年$30 2包, 無買.
3. 詩樂氏萬用洗潔精, 舊年 $15, 今年$18, 無買.
4. 林記花菇, 唔靚, 無買.
5. 林記青島貝, 貴又唔靚, 無買.
6. "沙嗲王"XO辣椒醬, 舊年 2樽, $10. 今年$6樽, 無買.
生活家居無咩特別, d野平時街邊都有得賣. 美保健亦無野岩. 囝囝係"兒童天地"見到有檔展出機械人, 玩左一陣. 真係幾好玩.
雷達行超智機甲
下回再續.
踏入十二月, 阿囝就好期待一個開倉日, 就係佢至愛既"朱古力工廠". 往年有貼poster出來, 今年仲未有.
比阿囝"鵝"到怕, 一於主動打電話去問下.
問到啦~今年佢地都會照開.
做冬果日開倉! "係啊, 大家可能會放早, 咁就可以來買羅" 聽電話既姐姐咁答. 咁又係, 年年都只做一日. 仲要係平日. 要返工邊來到啊~
至於價錢方面, 都同舊年差唔多.
開倉資料:
時間: 12月22日, 10:00-6:00
地址: 柴灣利眾街44號四興隆工業大廈三樓
tel: 28982220
因為覺得我DIY既紫草乳木果潤唇膏好用
, 朋友托我幫手, 做一批作為佢囡囡生日會既回禮禮物.
大人覺得潤唇膏(質地)好, 但對小朋友來講, 要吸引起佢地, 唇膏既外表就重要d. 皇天不負有心人, 比我搵到d唇膏公主貼紙.
試做一d睇下效果得唔得先. 屋企果個"公主"一見到d貼紙已經雙眼發光, 
係咁催我快d整, 佢都想要送幾枝比同學仔做聖誕禮物, "公主"既吸引力真係好驚人嫁~
終於星期日所有材料配件買齊, 可以試整. 阿囡興致勃勃自告奮勇要幫手. 比佢幫咩好呢?
一於比佢貼貼紙啦~
為左襯返貼紙既顏色, 今次仲特登買左隻粉紅色既唇膏管.
我幫佢貼左個開頭, 阿囡小心翼翼咁樣將貼紙慢慢貼實係唇管上面. 原來貼貼紙都需要d技巧, 如果貼得太快, 留左d 空氣係入面, 就會有氣泡, 咁就唔夠靚.
好在女仔細心, 貼左第一支, 阿囡已經明白左點樣既手勢, 第二第三支就越貼越快.
登......登......登......
公主潤唇膏完成啦~ 兩位公主真係好靚.
阿囡留起一支比自己, 三支送比好友. 拎住自己支唇膏, 開心到彈彈下. 佢覺得自己有份整, 零捨有意思, "我同媽媽一齊整嫁" 佢打算咁樣話比好友知道.
突然間有好主意: 潤唇膏做起之後, 貼貼紙既工序就留起比小朋友自己來, 有份參與製作, 親手做出禮物, 佢地都會覺得特別有意思既.
如果屋企有貼紙, 不妨發揮創意, 自己設計, 貼做一支外觀獨一無二既潤唇膏送比人, 收到既人一定會喜出望外.
如果想代做, 可以留email比我.
入過ICU添.
