HSBC $38 回贈 $1

HSBC 信用卡又有新推廣啦~

推廣詳情

11年以上 $38 回贈 $1
6-10年 $68 回贈 $1
5年以下 $98 回贈 $1

要登記 82281618
2009年12月28日 至 2010年2月21日期間

參與商戶包括百佳超級市場、INTERNATIONAL、TASTE、惠康超級市場、ThreeSixty、Market Place by Jasons、萬寧、百老匯、崇光百貨、JUSCO、JUSCO SUPERMARKET、一田百貨、千色Citistore及美心中菜（「參與商戶」）。優惠不適用於百貨公司內指定專櫃／特許銷售商、Bento Express、獨立JUSCO10元廣場及香港迪士尼樂園「廣場餐廳」。

每位持卡人最多可於推廣期內獲享港幣500元年資簽賬回贈。同一持卡人名下不同的合資格信用卡於參與商戶的所有合資格的交易將會合併計算該持卡人最高可獲贈的年資簽賬回贈。

 

如果你有卡, 記得打電話去登記啦~

重用飯盒

公司附近既酒樓食店, 好多都轉曬依種密實盒做外賣盒(有高身/矮身2種). 雖然都係唔多環保, 不過好過發泡膠盒, 因為依個盒係可以重用.

依種密實盒可以放入微波爐添, 就咁用一次就丟, 真係好浪費. 同事唔要我就洗乾淨帶返屋企

點樣重用??

1. 放d係奶奶阿媽屋企, 等佢地可以裝餸比我打包拎走. 方便佢地, 唔需要另外買密實盒, 而且依種盒可以疊起放置, 又慳地方.  

2. 係自家屋企用來存放食物. 依種盒其實個蓋好實, 好存氣, 我發現用來短期存放開左既餅乾零食紫菜等就至岩. 加上係透明, 食剩幾多一目了然. 好似咁樣. 真係very good.

3. 外出或旅行, 又隨身帶一個, 隨時打包食剩既麵包/乾糧, 路途中比小朋友充飢. 小朋友有個盒裝住食, 又唔怕食到一地都係, 整烏糟地方. 

4.去街市買餸又帶一個, 用來裝d有水份/易整爛既食物, 例如: 豆腐, 蝦等. 確保唔會因為漏汁攪到個購物車又臭又烏糟, 乾手淨腳, 最終慳到既仲有"時間".

5. 由於透明既關係, 用來存放小朋友d 零碎玩具配件都好岩. 特別係Lego玩具, 細細盒, 分門別類放好, 要砌既時間都搵得特別快d.

6. 用到個盒蓋爛左, 盒身又可以用來間隔廚房櫃桶, 或者放張廚房紙, 作為存放芝麻油/辣油等醬料既底盆, 唔洗攪到個廚櫃油淋淋, 整齊又易清洗.

7. 用來種花亦得, 透明盒, 有無淋水就一目了然啦～

我諗到咁多先. 你有無更多好主意, 有就一齊分享吓~

探險者號叢書

最近發現既一本書, 完全滿足到囝囝囡囡既好奇心~兩個都睇到愛不釋手~阿囡唔識字, 都要爭住睇圖畫. 入面既插圖都好多下.

圖書館索書號: 046 1477

本系到書圖書館共有七本，帶領讀者探索一個個不解之迷。

任何事物在沒被認識之前，都是神秘的。同我們一起旅行吧﹗「探險者」太空船帶你飛向知識的天際。浩瀚無垠的宇宙中只有我們存在嗎？其他遙遠的星球上也有智慧生命體嗎？現實生活中真的存在尼斯湖水怪、狼人和眾多怪物嗎？金字塔是如何建成的？金字塔的作用難道僅僅是埋葬法老嗎？復活島那些用石頭雕成的鉅型雕像莫艾表現的是什麼？意大利天才的代表李奧納多‧達文西的藝術作品隱藏著什麼為人所不知的秘密呢？

圖書館索書號: 756.3 3480                         947.9471 7408                          

 

圖書館索書號:046 7030                              761.21 6402

 

圖書館索書號: 798.1 6709                             046 5407

 

聖誕節假期咁長, 去圖書館借返來慢慢睇. 有好奇心既大人一樣都岩睇嫁～

 

 

 

嘉頓雪芳蛋糕電影優惠2重賞

依排有好多好戲上演. 如果你打算去睇戲, 而你又會食"嘉頓雪芳蛋糕"既, 依個優惠就岩你.

條款及細則： 1.請於購票前出示3個推廣貼紙2.此優惠有效日期由即日至2010年1月31日(不適用於2009年12月25-27日、2010年1月1日)3.影印本恕不接受，此優惠適用於UA戲院，不適用於所有VIP影院(包括UA太古城中心Director's Club)、IMAX影院、UA iSQUARE及數碼3D電影。優惠適用於推廣期內，先到先得，換完即止。4.此推廣貼紙只限使用一次5.電影戲票及免費爆谷或汽水優惠名額10,000份，先到先得，送完即止。6.必須購買UA戲院戲票後(向職員換取優惠劵1張)方可享免費爆谷/汽水優惠。7.如有任何爭議，嘉頓有限公司及娛藝院線保留最終決定權。

免費年曆

年年依個時候, 就係收"年曆"既時間. 不過依幾年, 免費年曆少左好多, 如果你仲未有2010年既年曆, 可以去拎依一個:

由公民教育委員會及青年事務委員會印製的２０１０年「輝煌里程」年曆將由（十二月二十二日）起，以先到先得形式免費派發。

派發地點包括十八區民政事務處諮詢服務中心、
公共圖書館、大會堂、香港文化中心及香港歷史博物館。

市民亦可於下列時段前往位於柴灣柴灣道２３８號青年廣場主座大樓一樓Ｙ展覽平台
（近柴灣港鐵站Ａ出口）索取年曆：

　　十二月二十二日（星期二）及二十三日（星期三）
　　上午九時三十分至十時三十分及下午一時三十分至二時三十分

詳情可以睇依處

太古城中心奇藝聖誕列車

年年太古城中心既聖誕節目都好精彩, 今年都係一樣.

2009 年 12 月 1 日至 2010 年 1 月 3 日 滿載奇藝　全速前進 奇藝聖誕列車滿載全球頂尖表演能手矚目抵港！包括蜚聲國際的《美國奇藝雜技馬戲團》、 首次來港的《澳洲形格魅影魔術》及有趣悅耳的無伴奏合唱組合《姬聲雅士》，讓您大開眼界， 體驗嶄新視聽刺激。更有鐵路員、肥巨聖誕老人、聖誕高蹺美人、金雞獨輪單車人及弦樂二、 三重奏於聖誕節期間輪流穿梭您身邊，為您帶來奇藝驚喜！聖誕期間，奇藝聖誕列車停泊於 太古城中心內的歐陸式火車站，為您帶來獨一無二的聖誕節目。 節目表 節目 日期                                                    時間 姬聲雅士無伴奏合唱　   12月3日及& 10日                                 下午1時 ; 7時 12月4日及& 11日                                 下午7時 12月5日至6日及12日至13日                  下午3時 ; 5時 ; 7時 澳洲形格魅影魔術   12月14日至18日                                   下午1時30分 ; 3時30分 ; 6時30分 12月19日至20日                                   下午3時 ; 5時 ; 7時 美國奇藝雜技馬戲團 12月21日至23日及28日至30日               下午1時30分 ; 6時30分 12月24日及31日                                   下午1時30分 ; 3時30分 ; 6時30分 12月25日至27日及1月1日至3日              下午3時 ; 5時 ; 7時

詳細表演時間表click依處.

朱古力工廠開倉

踏入十二月, 開倉大平賣就一直都未停過. 不過都係衫褲鞋開倉多, 朱古力工廠開倉我估真係只此一家.每年只開一日.

開倉資料:

時間: 12月22日, 10:00-6:00
地址: 柴灣利眾街44號四興隆工業大廈三樓
tel: 28982220

www.gourmethouse.com.hk

會有依d野賣. 價錢就未知. 只係知道"高根鞋" 100克 $40, 6盒 $200.

根據以往既資料估計:

CT5 $118

CT6/CT7 $124

CT8 $135 

CO1D/M/W $30 一袋

價錢睇落唔係平, 不過以朱古力既質素計, 拍得住 agxxx.b, 好過G字頭果隻牌子, 咁計起就係"值". 現場仲有得試食嫁, 試岩先至買. 如果你係"朱古力迷", 就一定會買得好開心.

工展會收獲(二)

今日第二次出"戰"工展會. 去之前都格左價, 準備左shopping list. 今次我係近銅鑼灣果邊入口入去, 由香港名牌區開始行. 我用 $741.50 買左:

1. 稻香酒家"杏仁露"三碗 $15, 仲用個保溫袋裝比我, 真係唔錯. 個袋第二時都可以用得返. 本來係一袋三款, 杏仁露, 紅豆沙, 芝麻胡每樣一碗,  現場就試食左紅豆沙, 味道都好夠. 不過我只係仲意食"杏仁露". 同佢地講下, 又比我淨買一款都得.

返屋企即刻"叮"左一碗食. 唔......好香既杏仁味. 正. 咁既價錢, 真係超值. 晚夜老公又食左一碗, 佢都話正.

2. 冠益蠔油 $36 4樽, 即係 $9支, 好抵. 依樣我食開, 年年都會買. 佢地做買一送一, $18 2支, 超市定價係$17.90. 減極都要$14.90.

仲送2包鹽焗雞粉添.

其他產品都抵買, 大支辣椒醬都係$20 2支, 其他細支辣油, 咖啡粉, 辣椒油等, 就$15 2支/樽. 都平過平時. 佢地仲係"香港製造", 如果食開依個牌子, 入場真係要去支持下啦~

3.  "沙嗲王"XO辣椒醬 2樽, $10. 賣$5樽(每人限買6樽).

依隻好好味, 雖然幾貴下, 不過都買2樽 $10 比老公食既. 舊年臨場加價, 激氣無買到. 今年就好似人氣唔多好咁樣, 買果時都唔係好多人. 你買幾多, 再送同等值coupon等係去佢地餐廳食野時用. $100 減 $10.

4. 6盒印尼椰漿盛惠 $20.  佢地賣 $10/3盒, 平時係街市買都要$6 1盒.

同場仲有"寒天粉"賣, $25 6小盒.

5. 生抽王加大裝 $9 +$1 送蒸魚豉油. 依樣本來無打算買, 不過現場見有野送, 就買一支都無妨.

6.  台式一口腸, $50 5包. 有三種味道: 原味, 香辣, 黑椒 任你配搭. 

7. "天天有魚"吞拿魚, $28 4罐

8.詩樂氏消毒液 $25 (1000ml) + 萬用洗潔精 $15

送左2包洗衣液比我試用.

依個牌子都係"香港品牌", 職員同我講, 用過如果再想買又唔想托, 可以打電話話去訂貨, 工展會期間 $500送貨. 平日$800送貨.  

9. GNC 女士多種維他命 $199.9 2盒. 依個係美國大牌子, 平時萬寧減到最平都要$12x一樽. 買2樽比自己食, 對自己好d.

包括魚油丸在內, 仲有4樣產品做緊買一送一(我唔係幾記得), 如果有食開依個牌子既產品, 去工展會就要去睇下啦~ 依個counter 係可以簽card嫁.

10. 蜂巢素 $200 (850g)一樽. 依樣產品我搵左好耐, 對鼻敏感有治療作用, 今日終於比我見返.

好多年前返大陸旅行, 參觀養蜂場果時買過兩樽比老公, 食左果年冬天鼻敏感真係發作得少左. 買一樽試下先. 如果有效再補貨. 間公司既web site: www.bestgrace.com

11. 萬寧牌潤唇膏 2支 $7.5 ($5一支).

同場仲有其他"萬寧牌"產品, 一般都比鋪頭平幾蚊. 有需要都可以順便買埋. A膏 $19.90 450g (平時$29.90, 最平都係$21.90) 細包裝BB濕紙巾 $27 5包(轉左新裝之後, 要$7.9一包).

12. 手套一對 $15. 價錢係唔平, 不過比起超市d手套質地好. 買一對試用下先.

13. 林記花菇 $80 1斤. 上次買左半斤, 發左煮來食, 又大又好味. 今次再去補貨.

14. 陳記點心 $30. 最後又去醫肚, 所以又買左3盒點心.

用送既 $10 coupon買左食左依隻 糯米雞. 好足料, 飽曬~ 

仲有拎左依d sample.

依個都係送既. 話唔洗用洗潔精都可以去污. 試過先知.

行經一d檔口, 影下相比大家睇下價錢. 今日真係人頭湧湧, 停落來影相都唔易.

依間眼鏡公司年年都去工展會, 好多年前幫襯過, 太陽眼鏡真係好耐用. 不過今日我無入去睇價錢, 如果你有需要既, 就不妨入去睇下.

今年賣油既公司咁樣做推廣: 油+米一齊買+送貨.  

另外發現抵買既有:

左顯記辣椒醬大樽 $28 2樽, 蠔油, $35 2支

美味棧 : 頭抽及鮑魚汁, $40/2支送多支細蝦抽, 比平時平小小. 順手都可以買埋既.

義香麻油, $40/2支, 平時約$25 1支, 都買得過.

長城牌方罐火腿豬肉 $40 3罐, 平時大罐(340gm) $17.90, 細罐$11.50. 如果係大罐裝都有平既.  

"李錦記"福袋，舊庄蠔油$三十多，現加一支雙璜頭抽、紅燒汁，喇沙火鍋上湯需$50元。買二個福袋還加送海皇XO醬。比起舊年係加左價, 但係比起散買都有平既. 如果係食開既, 都買得過.

後話: 今日依然係有好多人對我架戰車有興趣~只要我一停底, 就有人問我架車邊檔買既. .連賣野既人都忍唔住問我.