2010年6月26日星期六

走進歷史看世界

考完試, 又可以盡快咁樣睇書啦~

係圖書館借到依套書. 初初拎上手, 阿囝見大部份都係字, 都有d豫疑, 不過開始左睇, 就放唔低啦~

考完試果2日就睇曬3本, 睇完又再番睇.

走進歷史看世界: 政治與戰爭圖書館索書號:711 4375

走進歷史看世界: 文明與科技圖書館索書號: 713 4375

走進歷史看世界: 名人偉人錄圖書館索書號: 788 4375

2010年6月22日星期二

持成人八達通乘客於2010年6月14日至8月8日期間，由周一至周五，搭港鐵滿100元，可換港鐵站商店5元現金券。

港鐵表示，乘客由周一至周五，以同一張八達通卡乘搭港鐵(機場快線、輕鐵、港鐵接駁巴士及港鐵巴士車程除外)滿100元，便可換領5元港鐵站商店購物現金券。

而小童及長者八達通卡持有人，以及持註有「學生身分」或「殘疾人士身分」個人八達通的乘客，在每個星期的星期一至五，以同一張八達通卡乘搭港鐵滿50元，則可換領5元港鐵站商店購物現金券。

地鐵加價之後就出左依個推廣, 比d小恩小惠我地. 雖然少, 都要記得去"do". 唔好"蝕"比佢.

2010年6月16日星期三

DIY天然驅蚊膏

驅蚊產品或含毒致畸胎

(星島)2010年6月9日星期三 05:30

(綜合報道)

(星島日報報道)踏入夏季，又到蚊患高峰期。一項調查顯示，八成受訪孕婦會使用驅蚊產品，卻未為意大部分驅蚊產品中常見的化學成分「避蚊胺」（DEET）含有毒性；有婦產科醫生，指使用含高濃度避蚊胺的驅蚊產品或會引致畸胎，建議孕婦購買時注意產品的標籤及成分，並於使用前諮詢藥劑師意見。......

　　註冊及執業藥劑師張德榮補充，市面上很多驅蚊產品均印有誤導性的圖片或字句，「有些產品標明是『天然蘆薈防蚊液』，實際上亦含有避蚊胺。」他呼籲市民選擇驅蚊產品時，應留意標籤及成分。

早幾日見到依段新聞, 講到真係好得人驚.

不過夏天, 驅蚊產品係我家必備, 林林總總既產品我都用過, 包括蚊怕水, 蚊怕膏, 電蚊油, 花露水, 寶寶金水等, 因為屋企d蚊真係好勁, 又專咬小朋友. 阿囝又特別敏感, 好多時手腳都被咬到腫曬, 幾日都退唔到, 有時仲起埋水泡添.

果對腳成個夏天都花花綠綠咁樣.

因為要日搽(返學校又係勁多蚊)夜搽(屋企), 我都係盡量簡d"天然" 或"無毒"既產品, 不過心入面總係有"dd"唔放心~夜晚訓覺點"蚊油"又係唔多放心, 始終係化學野, 不過唔點又唔得.

雖然做左咁多野, 洗左錢買咁多產品, 都一樣會中招, 衰蚊仲要衰到去"咬面"

面部我唔放心搽防蚊產品, 試過搽花露水係阿囝面邊, 佢又因為花露水既揮發成份"敏感"眼紅, 有時身上有損傷, 搽花露又"拿", 阿囝又猛投訴.

近排研究DIY產品, 驅蚊膏當然係放係優先位置. 改左幾次配方, 終於我做左出來啦! 成份全"天然驅蚊膏", 成份包括: 初搾特級Olive Oil, 大豆油, 白蜂臘, 香芧精油, 茶樹精油, 尤加利精油, 薰衣草精油,

自己做既, 比小朋友用就肯定百份百放心啦~ 裝入細樽, 去邊都可以帶住.

用左成個月, 日搽夜搽, 真係無咩比蚊咬過, 係試過有日唔記得左搽, 放學返來被咬左一粒. 每日訓覺之前就搽手搽腳, 連面邊額頭都可以放心搽埋

阿囝無投訴無敏感, 塊面仔好白淨.

有好野我當然要同朋友分享. 又派比大家d小朋友用. 試用後係

......再問我有無得添多d.

仲要大大樽. 當然有啦~有時間我就再整比大家分.

加埋"紫雲膏", 今年夏天真係唔怕蚊咬啦~~呵......呵......呵!

岩岩醒起果部"蚊油機"都未拎出來. 睇怕都可以送比人啦~

又慳返d買"蚊油"既錢.

如想訂做, 可直接sent email比我, thriftyhousekeeper@yahoo.com.hk

2010年6月15日星期二

明報專訪

早幾日幫明報做左專訪, 係有關安排小朋友暑期活動既, 今日刊登係隨報紙附送既"教得樂"入面.

大家有興趣就去睇下啦~

教得樂

2010年6月14日星期一

點樣先儲到錢 (五: 停止隨意式的消費習慣)

有日同事同我呻自己既支出好大, 所以儲唔到錢. 我唔明啦~見佢返工日日都帶飯, 又無用名牌袋, 屋企有一個小朋友, 工人, 供樓, 依d支出都係可以計到數既, 何來大支出呢?

再聽落, 原來佢每日放工返屋企途中, 都會買野. 咁我都會 -- 順手買d屋企用既日用品. 佢話佢唔止係咁樣, 咁買d咩野呢? 佢話買衫褲鞋手飾等. 一日都用二三百. 星期六日又出街, 諗住做野辛苦, 又會對自己好d, 食好d啊咁, 又洗大左. 佢d衫褲多到衣櫃都塞到爆曬, 好多未著或者著一次就丟左佢.