工展會shopping完

今日我做好左準備, 帶左:車仔,太陽帽, 水, 著件薄衫波鞋, 搽埋太陽油, 帶張免費入場卷, 出發去工展會.

11點幾去到, 2點走, 行曬全部檔口. 太陽好曬. 熱到不得了. 我由天后果邊進場, 越行越多人.  

我既收獲:

1. 李氏福袋HK$50:有舊裝特級蠔油,老水醬/瑞士汁,雙橫生抽,再加兩包現成汁料包(1B23-31)==>無"瑞士汁", 得"老水醬"我又無用. 無買

現成汁料都是HK$10元 3包==>無得賣

2. HKD5.00 沙爹王XO辣椒醬/枝(2C30-31)==>加左價, 要$7支. 仲話限每人一支. 唔買, 感覺太差啦~

3. 冠益蠔油: $15 2支 (平時$11.9-$14.9)  (2C03)==>$18 2支(報料人話我聽錯, 我錯, 我認錯.), 另外買左

辣椒醬 $20 2支(超市$17.70一支),辣羅白 $20 2樽  再送沙薑粉2細包.

4. 美味棧夏威夷果仁, $40 2包(454g)==>買左2包新年時食, 同場有d賣$38一包.最平係佢.

紫菜$20/3pcs==>又係加左價, $10包, 100g, 無買. 美味棧菜脯炒蛋料/榨菜$15兩袋(每袋三包), 平時超市賣$10包.

5. 同珍醬油: 一樽醬料+麻油, $10. 買夠得$20加$1換支細蠔油(1B62-70)==>無去到.

6. HKD117.00榮華臘腸一斤，有抽獎.(1A20-21, 30-31)===>買左一包, 抽到一包餅仔.

7. 彩豐行蔗糖浴露$19.00.(5C41-42)==>又係加左價, $21支. 無買到. 仲有好多其他護膚品, 不過我無睇.

現場決定:

8. 嘉頓福袋$43.(2B46-54)==>完全唔岩食. 無買

9.迷你瑤柱，HK$70/斤==>又加左價, $78包. 不過都幾好, 屋企岩岩食曬, 所以都買左一包, 阿媽都話抵. 

10. 珠江橋牌果檔口, 買$200送車仔(3B70-73)==>又加左價, $260先有得送, 淨係得是油, 點買到$260. 放棄.

11. 入場肚餓, 去"陳記點心"買左 $10 8粒我至愛既燒賣食, 好味啊~~, 仲好食過7-11果d, 我依個"燒賣怪" 即時決定買2包返屋企自己蒸. $12包(454克), 約30粒左右,1月15日到期. 超市好似賣$16.90包, 街市凍肉鋪$14.90.  聽日蒸來做早餐. 仲有羅米卷, 潮州米果賣.

12. 一向飲開既舊街場白咖啡粉 100克 $25, 盒裝 $26十條, 袋裝$40 15條 加送2條, 同平時超市推廣差唔多. 今次決定咖啡粉比自己, 因為平時唔見有得賣.

13. 買左杯模, $15 1包5個, 用來整蛋糕來用. 量匙 $5 一set八支, 都係用來整野食時用.

14. "詩樂氏"萬用洗潔精可洗生果疏菜的$15一支, 買左一支. 濕紙巾20pcs $40 8包. 平過平時萬寧小小 $5.9包, 不過我無需要, 無買. 

15. 係美味棧買左新出既朱古力味能量99棒, 50元5包, 平過我去批發買散裝$26磅. 比仔仔帶返學校做小食.

 

16. 添寶肉鬆鳳凰卷, $22 2盒. 依隻仔仔同老公都好仲意食, 好好味. 買小小比佢地啦, 超市好少見到有貨返. 佢地仲有d禮盒裝, 三盒$107加送一盒蛋卷, 都可以考慮買來新年送禮用既.

總共用左$431.

買得過:

1. 有檔買鐘表既(3C09), $100 3個鬧鐘/掛鐘, 有Disney公仔(富費猫, 小熊維尼, 巴斯光年), 有需要真係買得過.

2. 有檔賣太陽眼鏡既, 年年都有參展, 以前我都買過. 有需要去睇下, 一定平過出面.

3. 淘大頭抽, $40 2支 (超市$49.90). 食開就買得過.

整體感覺:

1.工展會無咩平野, 特登山長水遠搭車買入場卷, 就真係唔值得去行.

2. 唔好帶小朋友入場, 人太多, 大家都辛苦.

3. 格好價先好去買, 有d物價仲貴過出面.

4. 參展商會"加價", 真係估唔到. 感覺好差.

所以我都要加返句免責條款: 本人既報料, 純粹作為參考, 現場參展商隨時會加價. 大家買之前要睇清楚啊~~~~~