媽媽的祝福

近日電視成日播某臍帶血庫廣告, 當中提及伯伯既祝福 (金鐲), "女麻女麻"既祝福(玉吊嘴), 舅舅既祝福(利是).......

早幾日阿囝睇完突然間問我: 媽媽, 咁我出生時有咩"祝福"啊~我如實話佢知.

阿囡接住問: 咁......媽媽你送左咩祝福比我啊~(廣告入曬腦)

嘩.....問得咁快, 好在我都即時諗到點答佢.

我答: 媽媽送比你既祝福就係"媽媽奶"羅(人奶). 你BB既時候飲左媽媽奶, 身體就可以好健康.

當初喂人奶時, 真係無諗過有咁既一日, 要回答小朋友依個問題. 今日我可以好自豪咁樣答佢地, 依樣係我送比佢地最大既"祝福', 亦係陪伴佢地一生既祝福. 世上亦只有媽媽先至可以送出依份"祝福". 而事實上佢地自細都好少病, 病左亦好快好.

人奶既好處真係幾版紙都講唔曬, 好開心今時今日多左好多媽咪選擇送上依份"祝福"比自己既寶貝, 亦有好多有心人大力推廣:  BB餵母乳 大隻又健康

如果你將會/打算做媽媽, 真係認真考慮喂人奶, 你得到既會比你付出既多好多好多. 當然慳錢係其中一個好處(奶粉, 將來睇醫生......).

最重要係---你既"祝福"係世上無人能代替既.