我覺得非常之值得買既筆刨就係依隻老字號:
你可能都識.
唔平播~係啊, 真係唔平, 都要賣幾十蚊一個.
點解會買佢??? 事由係咁樣:
小朋友開始返小學, 我都係買細細個既筆刨, 諗住平平地幾蚊個用得就得啦. 小朋友要帶5支筆返學校用, 屋企又要準備5支比佢用, 加埋顏色筆, 日日都要刨十枝八支筆. 用得一排之後, 發現用二個月左右個筆刨仔就玩完, 仲加成日刨斷筆, 一支有1/3係無左, 又刨到隻手好痛, 非常之激氣
.
. 後來醒起公司有一個咁既筆刨, 聽d資深同事講, 係好耐以前傳落來既, 超碼都有二十幾年. 用咁耐~~ 真係幾誇下! 於是我特登去試刨下, 估唔到用左咁耐, 個筆刨仲係"寶刀未老", 好好刨播. 
於是上網搵下資料, 發現評價都好好. 再格下價, 一般書局賣$6x, 教協最抵, 只需 $48.
我合指一算, 保守估計如果小朋友用5年(當上中學就唔用鉛筆), 一年都只係需要$9.6. 比起我一年買幾個細筆刨仲要抵啦~
仲未計刨斷既筆錢呢! 一於去馬, 搭人去教協買左佢.
仲未計刨斷既筆錢呢! 一於去馬, 搭人去教協買左佢.用左年幾兩年, 佢都真係無令我失望, 當初既決定係好明智既.
有時我同阿囝講笑咁講, 以依個筆刨既耐用程度, 分分鐘可以傳比佢既仔用.
有時我同阿囝講笑咁講, 以依個筆刨既耐用程度, 分分鐘可以傳比佢既仔用.如果你同我當初一樣用緊細筆刨又有相同感受既, 快d轉買依個啦~
呢個筆刨，我唔止用左五年，我由小學用到而家出0黎做野啦!!
回覆刪除[版主回覆10/18/2010 23:14:00]真係抵曬~
啊﹐好懷念啊﹗﹗我小學時也是用它﹐後來就轉用電動的。但原來現在還有啊﹗﹗
回覆刪除[版主回覆10/18/2010 23:16:00]嘩, 用電動咁好, 我都格過價, 貴好多~
呢個筆刨, 我屋企都用左7~8年, 仲ok架!
回覆刪除用細果D真係刨到嘔血架
回覆刪除[版主回覆10/18/2010 23:17:00]當你差d刨好先發現斷左筆, 果下真係
我都有呢個筆刨，我大仔小學開始用（佢現在都十九歲），現在細仔讀小學用佢，總共都用咗十幾年，值得買。
回覆刪除[版主回覆10/18/2010 23:17:00]大家都話值~果然係超值.
我家女兒用的是我在媽媽家拿回小時侯用過的那個,雖然接近30年or超過30年仍好好刨,抵買!!!!!!!!!!!!!
回覆刪除[版主回覆10/18/2010 23:14:00]原來真係可以做"家傳之寶" . 以前買好似好貴, 家下相對平左.
真係可以傳比下一代架，我細個果個仲響度，等我試下仲用吾用到先
回覆刪除我宜家都係用呢個 , 公司樓下間文具店好貴呀, 買 $72 個
回覆刪除[版主回覆10/22/2010 22:58:00]價錢真係好參次.
我家都用緊藍色O既，以前用細細個O既筆刨，刨到斷晒/攝實條筆芯不在話下，又成日唔見，最後用$65買左呢隻筆刨，就無再唔見筆刨啦，咁大座，盲都見到
回覆刪除[版主回覆10/22/2010 22:59:00]係啊, d細路左丟右丟, 你要用果時又搵唔到.
因為您呢篇blog,我大家姐即係托人去教協買了兩個
回覆刪除回來,一個我姨甥仔的,一個是我個女的,多謝.......您,
哈哈哈~
點樣可以去教協買野呢?
回覆刪除[版主回覆04/18/2011 00:39:00]要係會員先得. 我都係搭朋友買. 你問下周圍既人.