手套頸巾的存放

天氣突然間又跌十度, 羽絨褸手套頸巾齊出動. 著到成身肥 do do, 換衫都要換耐d, 真係都幾煩.

最煩就係臨出門口, 先來搵唔到手套啊, 頸巾又唔知塞左去邊, 尤其係家有小朋友,又係朝早返工返學趕出門口既時間, 果刻真係想死. 又或是出左門, 先至醒起唔記得左帶, 趕時間又唔可以返轉頭, 唯有硬著頭皮頂硬上.

要避免朝早家吵屋閉, 我既小秘方就係:

手套頸巾一定塞係羽絨褸既衫袋入面. 天氣凍一拎件褸著, 其他既配件自然跟手到. 亦唔怕自己無記性, 出街醒起要帶, 就一拎就有.

當然要呢個方法行之有效, 返到屋企除衫, 一樣要跟手將配件收入衫袋. 特別教小朋友都一齊做. 咁樣就慳功夫慳時間之餘, 阿媽又唔洗成日變"癲婆", 反轉間屋來搵野啦~

你都試下啦~