超值蛋糕 (紅車厘面包西餅)

名不經轉既餅店, 值廉物美既蛋糕, 一定要介紹比大家~

紅車厘面包西餅

幫襯左佢地既面包一段時間, 真係好味又抵食. 不過早排店長介紹佢地既蛋糕, 話好多人都返轉頭再買, 睇在價錢咁抵$92/磅, 岩岩老爺生日, 無抱任何期望之下買一個.  

一打開個盒, 大家都驚訝唔信呢個蛋糕只係一磅, 睇size 似連鎖店一磅半. 唔知係果d連鎖店做假, 定係呢間師傅比足料.

切開一食, 入口甘香既芒果味, 店長果然無吹水, 芒果真係新鮮既. 內層忌廉都夾有芒果肉. 真係啖啖甘香. 忌廉滑而不膩. 雖然大家食到好飽, 但邊讚邊食, 轉頭就清曬. 

奶奶仲話下次佢生日都再買. 

我係佢地北角分店買, 地址係: 北角糖水道.