食人奶

早幾日細妹突然話有人請我食飯.邊個人呢? 原來佢同事大肚4個月, 知道我喂左幾年人奶, 想問下我喂人奶既野. 識得喂人奶, 醒目.

不過喂人奶真係好好嫁, 係咁易都數到十個好處. 第一個即時見到最大既好處就係"慳奶粉錢"啦.

BB出世頭果年, 當一個月平均5罐奶粉, 頭6個月係食初生奶粉, 一般都$160以上, 即係$160x5x6=$4,800. 如果6個月至1歲轉食2號奶粉, 一般都$140以上, 即係 $140x4x6=$4,200. 如果食依家潮流興既"日本奶粉"就唔止依條數添.

當然喂人奶又唔係完全唔洗成本, 當年我要"投資": 奶泵($350), 凍袋($25), 小型雪櫃(信用卡禮物 $0) + 食lunch時間 + 訓覺時間.

跟住落來慢慢你就會發現另一個好處, 就係"慳醫藥費". 我2個細路一個喂到13個月, 一個到18個月, 期間都只係睇過一,兩次醫生, 有時流鼻水, 唔洗食藥自己都好返. 相比其他BB, 郁下就發高燒入醫院(家下d菌真係唔講得少), 一係就腸胃炎, 真係小巫見大巫. 小朋友開始返學, 分別會更大. 依樣野(抵抗力)我覺得係影響佢一世, 依條數真係無得計.