, 布面仲開始爛, 終於我忍無可忍要的起心肝去搵人換.邊個人幫你換啊~~朋友話可以去窗簾鋪問下, 一問之下,
淨係布都要百幾碼, 4張凳未計人工都要$700幾蚊布. 唔係啊嗎!!買過張新既都得啦~~.
不過我唔死心, 搵來搵去, 終於又打聽到一間係舊樓地鋪既窗簾鋪, 聞說係最平既. 打電話問老細, 佢死都唔肯報價, 死死地氣我都要親身去一次. 去到問一大輪, 睇埋布料, 都要成$250張.
哎~~好似唔係好值. 估唔到翻新一張舊凳咁鬼貴.
當我諗住放棄買過張新既無咁嬲既時候, 偶然間問到個裝修師傅, 佢了解左我張凳既款式時(坐位+椅背都係用鑼是上既), 就話比我知其實可以自己換.
點換啊~~用咩換啊~~師傅話其實去書局買把釘槍($7x), 買d布自己DIY就得.返來同老公講左, 佢研究左張凳, 佢話有信心攪得點. 真係咁簡易.
我就負責買布料, 行左一輪街都搵唔到合襯既, 後來無意中發現原來屋企有d 大既 cushion套留起左, 花款顏色都岩, 度下布料既大細, 又岩用播. 於是係星期日, 老公就開始郁手做.一開始鬆左d"鑼是"出來, 2塊有軟墊既板就甩出來, 研究一輪, 決定保留原有既布, 再包一層上去, 因為驚拆左塊舊布, 自己無"猛"得咁實, 到時鬆泡泡攪唔點. 再來度下布料既大細, 先釘實一邊, 再拉恆釘實另一邊. 攪左半個鐘, 終於換好左第一張.
睇住張凳正面好似新既一樣(睇在"師傅"都無收錢, 翠翠地收貨啦
), 好有滿足感..其實後面係有小小破綻, 見到2口釘.
就咁上實"鑼是"就得.
凳底就有好大破綻
如果塊布大小小, 埋到口就無咁覺眼. 不過是但啦, 反正無人會反轉張凳來"驗"既.
表面"風光"就得啦(好阿Q)
整左第一張, 跟住落來就無難度啦, 一個鐘頭內換好左3張.
"老公你真係叻~"一定要贊下佢.睇來都可以頂多幾年(唔得就再換一次羅), 捱到阿囝大d先一次過換曬佢.估唔到一d都唔難,
咁又慳一大筆(淨係買左釘槍+釘, 即係$7x vs $1000).不過我都係諗唔明, 點解搵人換貴成咁~~香港根本就唔支持人用舊物~~翻新/維修既費用貴成咁, 幾乎同買過新既相差無幾.
哇~果然係慳師奶的始袓呢~事實又係,除非唔知啫,
回覆刪除知又識的話,根本沒需要比錢人地賺,慳番用來食咗去冇咁嬲!
[版主回覆07/11/2008 01:13:00]其實今次係"逼"出來既.唔問都唔知個"價"係咁離譜既, 真係越問越把火. 結果我自己都係估唔到既. (多得我家"師傅"出手)
慳師奶, 有冇製成品睇呀?
回覆刪除[版主回覆07/11/2008 01:29:00]有得睇啦.
又幾好喎！
回覆刪除[版主回覆07/12/2008 21:04:00]多謝你既贊賞~
有計喎！
回覆刪除[版主回覆07/14/2008 22:56:00]真係膽粗粗試下做咋, 原來一d都唔難~~
勁呀~~~~~~
回覆刪除[版主回覆07/14/2008 22:57:00]都係多得高人指點~~先知道個方法. 令本來以為難既野, 變得一d都唔難.
好勁呀~~~~
回覆刪除上之見唔到相,今次見到,又幾靚喎
[版主回覆07/14/2008 22:58:00]多謝你既贊賞~ 我會轉告我家"師傅"
你好叻呀!
回覆刪除睇嚟你都好啱去外國住 ...... 因為你識 DIY!
[版主回覆05/19/2009 00:56:00]你識 DIY==>我唔識嫁~~係我家師傅(老公)整嫁~
讚成「"逼"出來既」!
回覆刪除好多時D家居小問題，搵人做好貴，嬲嬲地自已做，慳$仲ng使比D師傅 yim 個 order $少。
上個月我家大門口個雲石級咀鬆左，都系自己補番......不求人
[版主回覆10/14/2010 00:03:00]香港地, 師傅難求. 其實自己郁手, 發現都唔係太難.