換購奶粉

今日係街, 萬寧職員打來: 你訂既奶粉送左來我地間鋪啦, 可以來羅啦.好野~~本來話星期一先會送到, 早左一日, 返歸順路可以叫老公幫手拎, 唔洗我拎到屎屎下.

點解要"訂"奶粉既??依d唔係正價奶粉, 而係"換購"既奶粉. 萬寧上星期五又有得買BB野加$33.90換購美素力2號奶粉. 不過我發現有d鋪頭有美素高4號奶粉(阿仔食依隻), 換購價只不過係$19.90.

比起正價900克裝要成$95(藥房價), 足足平左一半有多. (($19/9/400g)x900g=$44.70), 我緊係第一時間去掃貨啦.

可惜星期五去到屋企附近果間, 佢話無貨, 我堅持第二間分店有得換, 職員幫我打電話去問, 原來係N次之換購既貨尾, 唔係間間都有. 咁我要求佢向果間有貨既鋪頭, 轉d貨過來比我買, 職員問左我要既貨量, 打左幾個電話, 跟住話我知星期一會到, 留左電話比佢, 有貨佢地會call我去比錢. 我順手留埋要買既貨: 濕紙巾($6.9), 費事到時有奶粉又無濕紙巾買.

去到萬寧, 立到門口既廣告, 原來濕紙巾做9折, 遲幾日比錢又慳返幾蚊. 買夠$40BB野, 再加送奶粉sample 2包添. 收獲豐富. 

順便一贊既係萬寧既服務, 真係幾好嫁~~換購平尿片($1包pampers尿片4片裝)一樣可以咁樣check貨嫁~~