無食晏

今朝食左個早餐--炒米粉($7), 賣米粉既阿姐比左一大盒我, 食完好飽啊~~依檔賣早餐係新開既, 一連幫襯左好多日, 佢已經認得我. 我覺得阿姐越比越多我, 唔知關唔關早幾日我見佢炒到身水身汗, 出聲慰問左佢.

到食飯時一d都唔覺餓, 諗住去完圖書館, 晏d先食. 點知搵書搵得太開心, 返來已經得返15分鐘, 見個肚又唔餓, 諗下不如轉食下午茶, 又平d~~

做做下野, 抬頭一望個鐘, 原來已經4點. 都未見餓, 不過都係時候鬆一鬆, 就係公司雪櫃拎左盒朱古力奶飲, 食返一小包餅乾. 咁又慳返一餐~~ 一路到食晚飯都唔覺得特別餓.

唔餓就唔食

其實自己間中, 特別係放假既日子, 都會特登唔食早餐, 淨係飲水, 等d腸胃休息下(自己既腸胃唔多好), 又當係 keep fit. 唔食一餐其實唔會特別覺得餓, 可能平時食得太多啦~~