金融深淵

依幾日報紙轉左叫法~~叫"金融深淵". 究竟幾時先見低~~無人知.

正如報紙咁講, 十年前既金融風暴只係限亞洲, 今次全球性既爆煲, 對香港既殺傷力有幾大, 對我們生活有幾大影響~~仲未即時睇到. 不過開始感覺到既大家都"慳"左, 禁實個荷包唔洗錢. "菠蘿包"效應好快會睇到.

裁員/減薪/公司執笠/失業率上升......, 十年前既經歷過既野好快會再次出現. 依幾日心情都唔多好. 雖然自己既生活無咩影響, 因為一向都係禁實個荷包唔洗錢, 不過諗返起以前既痛苦經歷, 好多香港人都要再次經歷, 多少都會受到d影響.

好似一個循環咁樣, 十年一覺夢~~

惡夢會有過去既一日既, 係痛苦既日子裹面, 要記得同自己講: 希望在明天."冰河時期"點都會有結束既一日.

人需要其實唔多, 只要食得飽, 著得暖, 有瓦遮頭, 一定可以等到好日子既重新來臨.