慳錢生活．食(一)

報紙話調查指出, 家下香港人既消費信心仲低過"沙士"果時. 幾日來, 日日都有公司執, 來緊經濟一定唔好, 大家都係做定準備先.

咩準備~~慳錢既準備羅. 第一時間係減少消費, 仲有工做既, 可以儲返d $, 無工做既更加要慳, 留返d $慢慢meet. 以準備度過漫長既"冰河時期".

點慳~~生活衣食住行各方面都可以做d, 點點滴滴, 積小成多.

食點慳啊~~唔可以唔食飯掛~~唔係叫你唔食, 而係改變一下習慣姐~~

1. 減少出街食飯慶祝

果d過時過節生日紀念日慶祝等等......, 通通慳得就慳, 避得就避, 免得過都唔好出去慶祝啦~~出街食飯一圍檯起碼都接近2千. 去少一次儲起都夠食十幾日住家飯啦~~

唔出街食飯, 不過都想慶祝播, 可以點啊?? 買返屋企自己煮羅. 如果二人世界, 買2件牛扒返來煎下, 十d菜, 點幾支蠟燭, 一樣可以燭光晚餐食得好開心.

如果一家大細又點啊?唔想阿媽一個人煮得咁辛苦~~可以部份外賣羅, 特別係功夫好多果d送菜, 自己煲飯, 抄d菜都唔係太難掛, 咁都可以慳返酒水加一白飯錢, 係洗碗可能要大家講下數. 

好多小館都可以外賣嫁~~大家打聽下屋企附近果d啦.我地一家成日都係咁樣食, 食完飯仲可以唔洗急急腳要交檯比人, 可以慢慢傾下計, 聯絡下感情.

我地成日幫襯外賣既小館.

http://www.openrice.com/restaurant/sr1.htm?dishes_id=&amenity_id=&price=&inputcategory=cname&inputstrrest=%E6%AC%8A%E7%99%BC%E9%A3%AF%E5%BA%97&ST=1

再續.