落雨天的浪費

依排成日落雨, 一落就成個星期, 日日都要帶遮, 真係好煩啊~~

拎住把濕遮去到商場/酒樓/商業大廈門口, 大家都會發現有樣野放左出來比你拎, 就係: "遮套". 有d仲好到有個職員企係處提醒你拎. 大家都習慣左, 睇落無咩唔對路啊~~

但係大家又有無發現, 就係旁邊既垃圾筒, 有成堆既"遮套"比人丟左, 變左垃圾呢? 我就諗: 人氣旺既商場, 一日都有過十萬既人流, 如果一人拎一個"遮套", 咁一日全港會有幾多既"遮套"比人丟左. 諗起條數都應該幾驚人下~ 咁落左幾日雨, 條數要更加......

唔想浪費, 我又諗下自己可以點做呢?

1. 如果用縮骨遮, 就自己帶個袋入起佢.

2. 盡量重用個"遮套".

其實"遮套"都係依幾年先流行, 美其名令地方整潔d啦. 但係諗深一層真係好唔環保. 未有"遮套"既日子又係咁樣既呢?? 有無一個裝置, 既可以收集遮上既雨水,又可以多次重用既呢??