包書膠的另類用途

換左新椅墊布之後, 我遁例警示阿囝要小心食飯, 唔好再跌飯菜落張凳到. 四張凳基本上都係佢整污糟既. 

佢點頭之後講: 媽媽, 不如係椅墊上加上一層包書膠, 咁樣就算我整跌左飯餸, 張椅抺下就得, 唔怕會留污積.

咁都比佢諗到~真係得播. 即刻將依個主意轉告"師傅". 師傅都稱好, 即晚就搵返開學包書包剩既包書膠, 郁手攪點左.

果然坐左第二日, 阿囝已經跌餸係上面, 好在包書膠果然幫到手.

除左防污, 另一個好處就係好易分便出邊張凳係佢坐既. 佢固定坐一張, 唔會整污糟所有既凳.