聖誕節假期過後, 公司有位男同事入左院 : 心臟血管撕裂.
入過ICU添.
平時佢好似無咩事咁樣. 真係好得人驚啊~
幾年前有位女同事"椎間盤"突出, 下半身突然唔郁得, 要call白車入院. 隔左多月返返工, 平時佢又係好似無咩野咁樣. 佢話醫生同佢講: 我地身體就好似個"角子老虎機", 唔好以為無事無幹, 其實慢慢累積緊 "JACKPOT". 當累積到超過身體臨界線, 就會"中頭獎".如果唔想中依D頭獎, 平時就要:多做運動, 飲食均衡.
唔好等到中左頭獎先來後悔, 因為中左之後, 好多運動你已經做唔來.
希望來緊既一年, 大家都保重身體.
健康無價!!
沒有留言:
張貼留言