甜豆木耳炒鮮淮山($13)

係街食過依個餸, 覺得好味又有益, 返屋企一於自己整下先. 成本好平咋, 又易整.

材料: 甜豆 $4, 鮮淮山 $5, 木耳5-6朵 $3, 紅蘿蔔數片 $1, 葱末少少.

做法:

1. 木耳用水浸發好再擇好, 甜豆擇去老筋備用.

2. 帶手套將鮮淮山去皮, 用水洗左上面既粘液, 切片後即放入凍水中以防變黑 (氧化)

3. 將甜豆, 鮮淮山用滾水略焯, 甜豆撈出後浸凍水以保持顏色翠綠.

4. 起油镬, 爆香葱末, 倒入甜豆, 鮮淮山, 紅蘿白大火炒幾炒, 再加入木耳繼續炒至熟. 落雞粉調味.

上牒啦~

顏色係唔係好靚呢~未食先開胃. 依個係素菜來添.

原來淮山好好嫁~唔好唔識寶啊~ 新年食得肥膩野多, 不妨整下依個餸調劑下.

鮮淮山功效：

鮮淮山味甘性平。有補中益氣、健脾和胃、長肌肉、止瀉、治消渴、健腎、固精、益肺、益氣健脾，養肝明目等功效。對糖尿病屬肝腎虧虛，症見頭暈目昏，視物不清，腰膝痠軟，夜尿頻數者很有幫助。

同時淮山還是一種天然的纖體美食，具有高營養、低熱量的特點，多食也不會有發胖的後顧之憂。

現時新鮮淮山售價廉宜。作為煲湯料，可買粗壯硬身那種；入饌作菜，最好揀嫩身細長一些的。鮮淮山有很多黏液汁，會令人皮膚敏感，且削皮後很易氧化變黑，故處理鮮淮山要戴手套，削皮後需馬上放入淡鹽水中以防變色。

備注: 淮山都可以用來煲粥嫁~如果家有小朋友或者老人家, 成日都唔開胃, 可以用淮山煲瘦肉弼, 將淮山切碎, 煲完唔多覺. 食左開胃又健脾.