遮套的另類用途

今日又落雨, 雨足一日, 仲要係雷暴~

要帶遮既日子代表大家又要會拎左d遮套返屋企. 上次講過, 每次落雨大家都拎遮套, 不知不覺中造成左浪費. 盡量拎少個就最好啦, 不過已經拎左返屋企, 除左丟落樓下既回收箱, 我就諗: 仲有無既方法用多幾次呢?

最直接既方式, 當然就係秋冬季時, 用來套住雨遮, 免得野塵.

另外, 我仲諗到用來套住d可以卷起既紙品. 例如每個人屋企都有既: 小朋友既畫作, 包剩既包書胶, 用剩既花紙, 收藏既海報/圖則,

好似咁樣卷好放入去, 再打個結咁就大功告成. 由於係透明, 想搵返來用既時候就一目了然啦~再唔係可以用marker 係上面寫字.

一d零碎既玩具, 例如拼圖, 都可以放入去收藏好.

你又有無諗到咩好方法呢?