粉紅色的夢

依排成日都係處左攪右攪整cream. 阿囡就次次都係隔離等~~

等咩! 等搽羅.佢自細就好仲意搽野, 如果比支乳液佢, 佢會靜雞雞坐埋一邊, 自己猛搽. 貪靚對佢來講係"本能".

有日見佢等左咁耐, 只為拎小小搽, 好似好慘咁, 醒起整左咁耐都係送比同事朋友, 點解無諗起要整一支比佢呢.

突然有個主意.整一支令佢開心死既乳液.

拎左樽浸左一個月既紫草根泡浸油出來用(本來係打算用來整唇膏既)

材料包括: 紫草根泡浸油(初搾特級橄欖油), 甜杏仁油, 小麥胚芽油, 甘油, 純水, 乳化劑.

問阿囡要咩味, 佢諗左一陣話要"士多啤梨"味. 我就專登去買左支食用"士多啤梨"香精油返來加.

登~登~登~完成!

自己都覺得隻色幾靚.

阿囡見到簡直係雙眼光~ 好大聲咁樣同我講"多謝媽媽", 即刻用雙手拎實行埋一邊搽. 今次搽幾多都唔怕. 因為材料係全天然, 全部都係好野:

紫草根泡浸油有很好既抗菌, 修複及安撫既作用, 對皮膚都有保養既作用, 可增加皮膚既彈性, 具有保濕抗皺既功效.

甜杏仁油性質溫和、易吸收，富含礦物質、蛋白質及各種維他命，是一種保養皮膚及滋潤效果極佳的植物油，適用於各種膚質。它能有效地減輕皮膚發癢現象，消除紅腫、乾燥和發炎。可刺激內分泌系統的腦下垂腺、胸腺和腎上腺，促進細胞更新，使肌膚恢復光滑柔細。由於甜杏仁油極為溫和，因此連嬰兒都可以使用。

小麥胚芽油含豐富高單位維他命E，是著名的天然抗氧化劑，其抗自由基的特性，可延緩皮膚老化；滋潤性強，可淡化細紋、妊娠紋、疤痕，增加肌膚濕潤力，對干燥、缺水、老化、皺紋肌膚極有幫助。可減少臉上長青春痘所留下的痕跡。適合各種膚質.

甘油，英文是glycerin。它是一種由植物提煉出來的天然的補濕因子，性質溫和，適合各種皮膚。

配方又清爽, 岩曬夏天用. 佢搽完就帶住滿足既笑容去訓覺. 唔知搽左粉紅色既乳液去訓, 會唔會發一個粉紅色既夢呢!

"粉紅色" 基本上每個女仔都仲意, 尤其係仲發緊公主夢既小女孩, 難怪佢咁開心既~~

整開就整埋比其餘兩個愛美既靚女: 姑媽 &三姨. 姑媽收到既係佢心愛既"薰衣草"味. 三姨收到既係令人情緒好放鬆"檀香"味.

點解整咁少~因為無添加, 所以要新鮮整新鮮用.