唔要小禮物

終於開始放暑假啦~

其實7月份返學校都係無所事事, 睇下ETV. 唔係好明點解仲要返學.

上星期五最後一日返學, 學校攪左班聯歡, 即係"大食會"啦~小朋友就最開心. 放學返來, 就帶返一堆"小禮物". 依d "小禮物"點來既? 有d 係同學仔媽咪送既, 有d係老師送既. 除左零食, 就係匙扣, 細細個既公仔, 簿仔, 貼紙, 卡通卡套等等.

由幼稚園開始, 年年都收唔少依d"小禮物", 儲儲埋埋一大堆, 例如"簿仔"都有十幾本. 開始果2日小朋友都會玩下依d "小禮物", 之後就會"失寵", 打入冷宮, 而最終既下場就係丟入垃圾筒.就算好似有用既"記事簿仔"都係一樣(老師最仲意送), 因為佢地根本就無咩野需要記. 就算用都係寫2頁就又放低.

究竟送"小禮物"既原意係咩野?? 我唔清楚. 但對結果就好清楚: 浪費. 小朋友對輕易得到既小禮物一d都唔珍惜. 相信依樣絕非送禮者既原意.  

所以我從來無買依d "小禮物", 亦希望唔好再收到.