檸檬榨左汁後......(二)

大家都話好. 咁繼續再寫落去啦~好多時我地覺係廢物, 其實周身都係寶~朋友唔好走寶啦~

檸檬榨左汁後仲可以:（續）

5. 去除手上異味: 切完洋蔥, 蒜頭, 手指都會留有強烈既氣味, 洗完手都無用. 可以用檸檬擦下手, 再用水沖乾淨, 味道就會無曬. 魚腥味一樣除到.

6. 去除菜刀腥味: 菜刀切完魚肉, 殘留腥味. 可以用檸檬既切面擦拭把刀, 異味就會乖乖無曬.

7. 玷板除污: 玷板好似洗極都唔乾淨, 有時仲會有黑色既霉班. 只要撒d鹽, 用檸檬既切面擦下, 靜置一小時, 再用熱水清洗乾淨. 最少兩星期做一次, 玷板就乾淨無臭味.

8. 清潔洗菜籃: 洗菜藍用得耐, 硬係好似有層野, 用清潔劑洗又驚殘留化學品, 又係用檸檬既切面, 加d白醋擦下佢, 好快就除到髒污霉斑. 天然又方便.

9. 去除多士爐/焗爐/微波爐異味: d爐用得耐, 難免有陣味, 批左檸檬皮放入多士爐/焗爐焗下, 就可以去除異味, 如果係微波爐就成個檸檬放入去, 叮20秒, 如果加杯水, 等佢有d蒸氣仲好, 叮完抺一抺, 去油除味.

10. 去除新電飯煲/水煲異味: 新買返來既煲, 硬係有陣怪味. 只要加水丟檸檸入去, 煲滾佢. 重覆幾次, 異味就會無曬.

講左十個用途, 夠未???