檸檬榨汁以後........

檸檬榨左汁後, 大家通常會點做?

我估大部份既答案都係........丟入垃圾筒羅.

其實就算榨完汁, 檸檬仲可以有佢既用途.

1. 漂白衣物: 將檸檬切開放入一煲水中, 以小火煮滾. 熄火後, 將白色衣物, 例如: 發黃既白底衫, 白餐巾, 點洗都洗唔乾淨既白襪放入去浸一個鐘, 將衣物取出彼, 按平時一般情況清洗, 曬乾後你會發現衣服煥然一新.

2. 清除水垢: 將檸檬丟入水煲, 加水一齊煮滾, 就可以去除水煲入面既水垢. 

3. 令玻璃杯回復光亮: 玻璃杯用得耐, 點洗都好似唔"令". 將檸檬切開, 直接輕輕擦拭杯子, 再用清水洗淨.

4. 消除膠餐具臭味:  膠餐盒如果裝過味道濃郁既食物, 就好似點洗都有陣怪味. 要除去味道, 只需用一小塊檸檬擦下, 等一個鐘之後再清洗. d味就無曬.

講住咁多先, 再續.