上海排骨菜飯 ($10 食一餐)

天寒地凍, 一定要食飽飯, 先至會暖. 依排d 小棠菜又平又靚, 整菜飯食真係very good.

材料:

小棠菜一斤 ($5), 腩排 ($30), 飯適量 ($5)

排骨做法:

1. 買果時叫猪肉佬幫手斬大夠, 話佢知係用來"魯水'既.

2. 準備汁料: 1匙米酒, 2匙糖, 2匙黑米醋, 3匙生油 攪拌好.

3. 燒紅瓦煲一個, 落d d 油爆一片薑, 落腩排爆一爆, 倒入汁料, 滾左之後轉中細火. 炆約30分鐘至腍

菜飯做法:

1. 同平時煲飯一樣, 不過水落得略少一d, 因為一間加左菜, 會有埋菜汁.

2. 洗淨小棠菜切碎, 起油鑊大火炒至7分熟, 落小小鹽調味,

3. 飯煮好未收水時, 將炒好既小棠菜連菜汁拌入攪勻, 再焗至跳制.

開飯啦~~~

排骨+菜飯=絕配. 加d肉汁, 熱騰騰食返一碗, 仲唔係好滿足~再添飯羅. 所以記住一定要比平時煮多d飯.

我仲會預埋第二日帶飯添. 圍起每人$10 食一餐.有菜又有肉, 又簡單又易整.