柱侯牛肋條炆蘿蔔($26)

材料: 加拿大牛肋條3條($18 批發訂既), 白蘿蔔 約一斤($3), 淘大柱侯醬 2大湯匙 ($3.3), 薑幾片($1), 蔥3條 ($0), 蒜頭數粒 ($0.7)

做法:

1. 牛肋條切成"麻雀"咁上下大細, 用滾水淥一淥, 出左d血水. 白蘿蔔用"滾刀切"切大塊. 

2.燒熱個油鑊, 落薑片, 蔥段, 蒜粒, 加入柱侯醬一齊爆香數分鐘, 再放入牛肋條炒幾分鐘.

3.轉入真空煲內膽, 加水至過面, 煲十分鐘後, 放入真空煲焗一個鐘.

4.拎出內膽用大火再煲滾, 加入已炒過既白蘿蔔, 煲5分鐘後再放入真空煲焗約一個鐘.

*如果覺得湯汁太多, 可以打開煲蓋, 用大火滾幾滾, 攪幾下, 等水份蒸發一d,

攪點啦~~上牒啦~~

撈飯食一流~~阿仔一路食一路話"very good". 食剩第二日我又可以帶飯.