粉絲蛋($9.66)

材料: 硬豆腐 1/2磚($2.5 我用百福), 蛋2隻($2), 粉絲一小包($1.66), 乾東菇3粒($2), 小唐菜2棵($1.5)

調味: 雞粉, 鹽, 生抽, 麻油各一荼匙, 生粉水適量,

做法:

1. 粉絲. 東菇用水泡至軟身, 擠左水份後剁碎/切粒. 豆腐用手擠碎, 同時擠左水份(唔需要擠得太乾), 小唐菜焯熟墊係牒底.

2. 將所有材料+調味料攪暈, 放係搽左油既大碗入面, 隔水大火蒸半個鐘後, 倒扣係牒上.

3. 用小小蠔油, 雞粉+生粉水埋茨, 淋係上面. (我就加左小小蔥花&紅羅白, 整色整水好睇d)

食得啦~~

$10都唔洗整左一大牒, 軟淋淋, 無牙既BB&老人家都食得. 賣相方面, 都見得下人, 用來請客都得.