聖誕禮物

十一月尾, 你只要路經商場, 就會感受到強烈既聖誕氣氛. 因為d鋪頭已經裝飾好曬, 而且排滿曬一堆堆既"禮盒", 提醒路人記得要買"禮物"送比親友啦~

特別係每年聖誕節之前都會大減價來推貨既"蟹樹", 門口果條人龍同堆貨真係好誇張嫁~d禮盒既包裝都好誇張, 貨品小小, 盒就大大個, 加埋個大紙袋, 等客人有"滿載而歸"既感覺. 不過咁既包裝, 有時我會諗下, 其實我地付出既夠竟係買貨品定係買包裝呢? 咁靚既包裝, 成本都唔少, 如果我地付出既大部份去左包裝, 相對投放係貨品既本錢就會少左, 將貨就價, 咁我地買到用到既野, 質量會係點樣呢?? 

往年我都應節買幾盒潤手霜送比親友, 一年一次, 最緊要係知道收禮物既人係岩用.

今年我唔需要去排隊"買", 而係自己做膏. 不過送禮都係需要d"包裝"既, 咁收到既人都會感受到你既心意, 而特別高興.

為左應節, 我買左小量既禮物袋. 自己DIY 簡約既包裝.

呢份送比奶奶~ 佢依家係我最忠心既fans. 日日都用緊我整既膏. 細細樽比佢放係手袋用.

呢份送比姑奶~

每款袋都有多十個, 如果你都想咁樣送比親友, 可以sent email比我.

袋係免費送出既, 手快有, 手慢無.