DIY 換椅套大公開

兩年前換既椅套, 又比阿囝攪到一達達, 又係時候要換下.

我家"師傅"今次要露一手, 公開佢換椅套既過程, 仲好好心機咁影左相, 大家睇相:

1. 需要既工具 : 釘槍一把 (文具店有得賣), 釘, 螺絲批

步驟1: 反轉張凳, 露出底部 (好亂啊~)

步驟2: 轉左d 螺絲, 起左張坐墊出來, 變成咁樣, 光脫脫好肉酸啊~

步驟3: 將坐墊放係地下, 起釘. 要好小心咁慢慢做.

步驟 4 :  裁好塊布, 呎吋要大過坐墊一個圈. 放坐墊係布上面度好位, 就唔會攪錯啦~

步驟 5 : 開始釘"裝". 先釘好一邊, 固定位置.

步驟 6: 好似包禮物咁樣,  將d轉角位收好佢. 拉緊塊布先釘實.

步驟 7: 上返螺絲,  大功告成~

又新既一樣. 係唔係好簡單呢!!

不求人真係好開心~ 當然慳返一筆(成千銀)仲加開心~(成本價$7X, 上次換既時候已經出左數, 今次係無本既).