慳錢生活．水電煤(二)

慳煤氣(燃料)既方法:

1. 煮野之前睇下煲/鑊底乾未. 未乾就抺乾佢. 無左水份, 加熱就會得快,

2. 火開到同個煲/ 鑊底一樣咁大個圈.

3. 滾湯/煮面要記得蓋上蓋, 熱力就唔會流失.

4. 要煎要煮既菜, 盡量利用一鍋數菜既方式煮. 例如整早餐, 同一時間煎蛋, 腸仔, 火腿咁樣. 或者整d一鍋數食既菜色.

5. 燜既食物盡量用真空煲煮, 煲湯/煲粥都係, 慳返好多煤氣.

6. 根莖類既蔬菜, 好似椰菜花/豆角/羅白/芥蘭等, 都可以先用水焯過再炒, 慳時間又慳火.

7. 夏天沖涼, 過完水可以關上水制, 捽完身再開返, 唔好水開流, 除左慳煤氣, 仲慳埋水.

8.  可以既話, 夏天沖凍水涼, 唔開熱水爐就最慳.

9. 如果係用儲水式熱水爐, 最好係一家人接住沖涼, 水就唔會凍左又要熱返.