小學另一樣唔同幼稚園既就係, 畫畫既用品要自備. 囝囝果間小學要家長準備一盒油粉彩, 一張墊檯紙, 濕紙巾(有需要時用).
果盒油粉彩雖然有個盒裝住, 不過始終都係粉彩類既用品, 用幾用就好易斷(尤其係粗魯既男仔用), 如果就咁放入書包, 可以想像到如果有顏色粉跌出來, 會攪到書包幾邋遢
同時, 為免囝囝執書包時執漏其中任何一樣物品, 我係廚房拎個透明密實袋, 裝好三樣野. 就好似咁樣.
點解用密實袋? 因為貪佢夠輕又一目了然.(小一需要帶依樣果樣, 個書包真係幾重下), 別外屋企本身已經有, 唔需要再另外買.
檯墊係百貨公司既宣傳單張, 又係貪佢夠輕.
濕紙巾就用酒樓果d獨立包裝 (叫屋企人去飲茶既時候, 如果無用就幫手留起).
估唔到依款拉鏈形既密實袋都好強韌, 用左一年都竟然無爛到. 
而果盒粉彩雖然用到個盒爛爛地, 入面既筆都無跌過出來.
開左學幾個月, 就聽到有朋友向我投訴d粉彩跌出來, 攪到書包好烏糟, 証明依個防禦措施係有需要既. 我當然即時介紹佢用依個方法, 咁就再無"投訴"啦~ 
非常有用的提意我仔升小一用的着
回覆刪除我都有留廢紙的習慣唷，好似買完野張單，我地都可以做ＭＥＯＭ紙，為環境做少少。
回覆刪除慳師奶, 有個著數想通知大家:
回覆刪除澳門特別行政區政府旅游局舉辦『甜蜜回憶』推廣活動，誠邀結婚10週年的你和愛侶重遊澳門再度浪漫之旅：只要你是香港居民，1999年結婚，在活動期內您只需訂購澳門旅行套票，澳門旅游局將致送每對愛侶兩套港澳來回船票 電話： 28388680 地址：香港皇后大道中287-299號永傑中心11樓1102室 注意事項： *套票最少含一晚酒店住宿與來回船票/直升機票 *套票須於活動期內向香港任何一間持牌旅行社購買 *參與者請於出發後15日內親臨澳門旅游局香港代表處領取船票換領信（以入住酒店日期為準） *活動船票數量有限，送完及止。 *送出船票有效期至2009年12月31日
[版主回覆08/26/2009 01:22:00]多謝報料~
檯墊係百貨公司既宣傳單張~~夠環保, 污濁左咪換過張loo, 抺都慳反, 果然係慳.c9
回覆刪除[版主回覆08/28/2009 07:52:00]公司影印紙既果張包裝紙仲好, 有d仲防水添嫁~