阿仔自出世就著舊衫, 由初時要開口問朋友, 到依家固定左"供應人"
爸爸既朋友一年兩次轉季就會車佢仔囡d舊衫來, 當中其實有d亦係人地轉送比佢既, 可見家下d小朋友,衫係多到著唔曬既.
著舊衫著得多, 慢慢都發現左d好處, 第一個最大既好處唔洗講緊係: 慳錢
幾年來真係慳返唔少 (雖然我都會忍唔住買一兩件新衫比佢
).
第二樣係舊衫真係幾舒服, 攪到阿仔著新衫, 特別係新睡衣時會投訴"唔舒服". 新衫係無舊衫咁軟熟.. 以前D老人家話BB出世前, 要問人羅D舊BB衫, 咁樣做係幫BB"積福", 諗深一層係有道理嫁~~D衫仔著過洗過磨過, 特別軟熟唔吉肉, 初生BB D肉仔咁嫩, D衫鞋D都唔舒服啦~阿仔大個左識講姐, BB唔識講嫁嗎~~
我地收得人地既衫, 亦會將自己唔岩著既衫送出(唔係太殘既), 順便示範埋比阿仔睇, 依種亦係"recycle"既其中之一方式, 物資轉移左, 繼續發揮佢既"功能".
至於太殘破既衫, 就會拎去"環保回收店", 段公斤稱變返零用錢, 回流返阿仔既錢箱. 
. 幾好啊~阿仔開心阿媽更開心(慳返唔洗再比零用錢
)
你真係好懂得慳錢同環保ar 我真係要多多學習呢
回覆刪除[版主回覆05/15/2008 15:04:00]多謝你既贊賞~得閒多d交流下.
既慳錢又環保，我阿媽那一代已懂，現代人要惡補呢！
回覆刪除[版主回覆05/15/2008 15:06:00]自己都係著家姐既舊衫長大既. 我唔覺得係咩一回事. 不過家下好多人都話唔會比小朋友著舊衫, 我先唔明?
我係家族入面最大那個所以細個就冇甘的經驗,係後尾我細老大個左。 反而我會拎佢唔著的波褲丫,外套來著。反正係屋企,舒服就最好。 我仲記得以前我細老佢地D同學仔的媽咪們,會把唔岩著的校服,比D同學仔。你知架啦,D校服真係好好好貴,又易唔岩著。
回覆刪除但係好似你話的,有D媽咪會好好人甘比人,但係永遠比自己仔女的都係新。其實我都唔係好明,反正校服都係甘上下,乾淨整齊就夠。有其他同學仔可以俾你的時候。點解要花無謂$去年年買新的哩。