依排d百貨公司輪住來大減價, 真係一浪接一浪, 未停過, 先係吉之島, 跟住永安. SOGO, 再來一田, 千色店. 叫我地d師奶點忍得住手啊~~唔知你去左邊間掃貨呢?
我就去左永安&一田. 一田d人山人海法真係
聽講SOGO既場面一樣咁墟撼. 大部份人好似唔洗錢咁, 係咁搶啊搶啊~~~個個都買左大包細包.
最多人既地方係邊處? 緊係超市啦. 係西田所見, 排隊比錢既人龍真係一眼望唔到尾~~ 最多人買既係零食, 成架車都係.因為確係平好多~~不過又洗唔洗買咁多啊
~~平時可能因為貴就唔買咁多, 家下平左就狂買, 計起條數可能係因減得加.
唔同年紀既人係唔同既地方"博殺". 有細BB既媽咪就緊係係嬰兒部啦. 真係逼到行都好難行入去. 係咁掃BB用品/衫啊~~另一師奶集中地就係賣床單既位置. 確係好平~~全套枕袋+床單+被單+冷氣被都係 $299. 見d人2套3套咁買, 拎到成手都係, 洗唔洗買咁多啊~~一套床單可以用幾年.
大減價d野確係平左. 不過現場既環境氣氛好易令人失控, 不知不覺越買越多~~
買左好多本來唔需要買既野~~, 因慳得side.
沒有留言:
張貼留言