DIY儲物盒

屋企有小朋友既人就會知道, 多左小朋友之後, 屋企多左好多好多立雜野. . 大件既唔講, 零零碎碎既小玩意, M記玩具, 丟極都係仲有既.真係.....一個好頭痛既問題.

市面有好多儲物盒, 不過我發覺size又唔一定岩, 搵來搵去不如用身邊隨手可得既野自己做啦. 咩野....就係咪就係"紙巾盒"羅.

依隻牌子既紙巾盒比較實正. 我將個頂介開, 再用交紙貼好佢. 好似咁:

底部兩邊都貼交紙, 會實正d, 耐用d.

整好啦. 其實要靚d可以再包布/花紙. 不過我就環保(懶)d, 就咁算.

放d立雜野岩曬. 分左類, 要玩邊d, 小朋友可以成盒倒出來, 玩完佢地又自己可以執返. 就仲有個好處就係烏糟左, 丟左(recycle)換過個就得, 乾手淨腳.

依個盒亦可以放係自己既櫃通處, 格開放d底衫底褲, 同埋絲襪絲巾等等細件立雜野. 櫃通即係整齊曬.