香草煎羊扒($55)

母親節整左依味請阿媽食.

材料: 紐西蘭七支骨羊扒一包($53), 意大利香草適量($1.5), 黑椒粉適量($.05), 鹽少許

做法:

1. 將羊扒解凍(真係雪到好凍)

2. 沖一沖水後印乾水份, 撒上黑椒粉, 意大利香草醃1小時.

3. 用油鑊, 先用大火煎到兩面熟(封左d肉汁先), 再轉中火煎透(羊扒唔洗全熟, 煎到八成中間粉紅色最好食) 

上牒啦~~

 

真係簡單到不得了~~

ps. 個名叫"七支骨"羊扒, 其實買一夠唔止七支. 數下頭頭尾尾有9塊咁多. 圍起一塊都係$5.9. 真係平到笑~~

至於味道點樣, 羶 唔羶. 如果你係食得羊既人, 就一定唔覺羶.

妹妹報料, 佢用左rosemary香草醃, 味道仲夾. 下次我都試下先.

羊肉既營養價值原來好好既.

本草綱目記載，羊肉有益精氣、療虛勞、補肺腎氣、養心肺、解熱毒、潤皮膚之效。唐人虛詵所著的《本草食療》 中，更記載著「凡味與羊肉同煮，皆可補也。」羊肉富含蛋白質、脂肪、維生素及鈣、鐵、磷等多種營養物質，其實是營養價值很高的食材，對於患肺結核、咳嗽、氣管炎、哮喘、貧血的人，特別具有益處。

‧羊肉助陽補血：
羊肉具補中益氣、溫胃助陽的功效。《本草綱目》說它：「補中益氣，主治虛勞寒冷、丈夫五勞七傷」；除供健康人冬季進補外，凡因久病體虛、產後體弱、氣血虧損或陽氣不足而畏寒怕冷、頻尿夜尿、陽痿早洩、月經失調、不孕冷感者四季均可食用。

羊肉的營養價值

咁補, 請阿媽食最好~我依d手凍腳凍既人, 冬天一於要食多d補補佢.