減價購物攻略

最近開始見到d連鎖鋪頭掛左"5折"牌出來, 不過都唔見有咩人買野~~今年可能要等到見到"2折"牌先到會有人出手. 我依d慳家人士就當然會等......到最後先出手啦~

不過我會依家諗下有咩野係自己需要買既, 得閒/路經就去睇定先. 睇岩左就試埋添. 點解要咁做?

1. 依家鋪頭入面無咩人, d物品又放得整整齊齊, 可以好舒服咁樣簡選. 有咩想問售貨員, 佢地又會有時間答你. 如果想試衫試鞋又可以慢慢試. 唔洗點樣等. 到人人都覺得係大減價果時, 鋪頭入面就會"戰況"激烈, d野左一件又一件, 想睇又睇唔到, 想搵又搵唔到. 更衣室條龍又鬼咁長, 試衫又限你試幾多, 試得耐又會比人催.....總之就係一個字: 煩, 同埋好side時間.

2. 家下未諗住即時買, 心情上比較輕鬆, 可以理智咁樣比較. 到人山人海既時間, 間鋪入面空氣可能唔夠, 當你見到其人搶住買, 好容易頭昏腦漲, 失去理智, 形成羊群效應--人買我又買, 咁就買錯野.

3. 家下試完簡完, 有時間比自己一個"冷靜期", 過後依然覺得需要買既話, 等大減價既就按心中既購物清單去執貨. 到時直接同售貨員我要依樣果樣, 請佢拎比你, 試都唔洗試, 等又唔洗等, 問又唔洗問, 比完錢就即走. 買到平野又慳時間. 仲好似好"豪爽"咁樣..