睇中醫

今年4月既天氣好古怪, 一時熱到著T-shirt, 一時又凍到要著返冷衫, 本來月中已經收起冬天校服, 點知又要拎返出來著.

咁既天氣, 人唔病先至奇. 囝囝放完假返學校唔夠一個星期就病左, 拿拿林帶佢睇中醫.

囝囝自細就睇中醫, 奇?? 中藥唔係苦既咩?? 小朋友都肯飲? 我之前都係咁諗, 不過有次佢同埋我一齊去睇中醫, 見到我飲藥佢又話要飲, 比佢試飲左幾啖, 佢都話唔苦. 岩岩佢又有d咳, 順手一齊睇埋, 自此就同我睇埋一個中醫.

我仲意睇中醫, 雖然藥效無西醫咁快, 不過勝在會斷尾, 唔會好快又返發. 可能同中醫醫病既原理係--增強扶正人體本身既抵抗力有關. 家下飲中藥又方便又簡單, 用沖劑(藥粉),  

好似沖咖啡咁樣, 加d糖就飲得. 所以小朋友都唔覺苦. 唔想咁大藥味, 加(半)支飲筒飲~(中醫師教既), 易d入口添.

小朋友咳睇中醫最好, 睇西醫除左比止咳藥, 根本就無其他辦法, 但藥一停又咳過. 西藥又散, 病好個人都好易又番發. 飲中藥就好快止到咳. 自從囝囝肯飲中藥後, 咳都少左好多. 皆因我個女中醫師又教左我平時點樣煲湯水, 用食療既方法, 加強小朋友本身既體質, 每次病好都補一補, 身體自然好~ 

中醫師有好多, 不過有醫德(唔dum症)又有醫術既真係唔多. 加上又用藥粉, 岩曬我依d繁忙既雙職媽咪. 收費又唔貴(醫療保險又包埋, 即係唔洗錢), 小朋友三日藥(6包藥粉)收$120. 大人就約$150. 仲有附加補身貼士提供, 一定要話比多d人知.

不過咁, 最重要都係對身體好. 身體健康就係無價寶, 真係多多錢都買唔到.