第一次

今日我做左一件咁大個女都從未做過既事, 你估係咩?? 尋日知道今日要去做, 真係有d驚嫁~~未試過嗎~~又唔知會點個心好忐忑.. 不過同自己講, 去啦~~勇d啦~~到時執生啦~~

今日做既時候又無咩野播~仲好快就攪點添. 到底做左咩事呢?? 開估啦~

我去左去商台接受麻利亞既訪問. 收到佢既邀請留言時真係唔係好信, 由月頭上"用戶分享", 到被選為"精選blog", 到今日既訪問, 短短十幾日之間, 一切都好似來得好快同好突然~~但係又真係發生左, 感覺上好唔真實.

坐係錄音室果時, 感覺真係好奇怪~~因為由細到大都只係電視見到人地做節目既樣, 無諗過有一日自己都會坐係果個位.

 咁開咪既感覺又係點樣~~唔...... 感覺良好. "麻利亞"把聲又好聽呢~~

相比之下自己把聲就.....好麻麻.

今日咁順利, 真係多得"麻利亞", 我話比佢知自己好緊張, 佢安慰我唔洗緊張, 當傾計咁就得. 係佢既"帶領"之下, 大家就真係好似傾計咁樣, 好快傾左半個鐘. 

個訪問會係依個星期日(5月24日)早上 11:00播出. 節目名叫: my903

如果有興趣知道我地傾左咩野, 就開來聽下啦~

P.S.如果我自己想錄低(save 係電腦處), 有無人可以教我點樣做啊~(我見人地係得既)